“Parte Sekretáriu Estadu hetan apoiu husi Uniaun Europeia liuhusi United Nations Capital Development Fund (UNCDF) ne'ebé sei fó apoiu direta ba Kréditu Uniaun (CU) sira iha Timor laran tomak oinsá mak dezenvolve atividade programa dijitalizasaun utilizasaun ka operasaun kooperativa nian atubele asegura sirkulasaun nasionál la presiza lori osan ida ne'e mak objetivu prinsipál husi reuniaun ne'e”, dehan SEKOOP, Elizário Ferreira ba www.tempotimor.com iha Akait, Formoza, sesta (11/03).
Iha reuniaun ne'e marka mós prezensa husi reprezentante Telemor sira, ne'ebé ko'alia mós kona-ba oinsá atu apoiu kooperativa oinsá atu transfere osan liuhusi aplikasaun MOSAN.
“Reuniaun ne'e ba dala primeiru avalia kona-ba progresu ne'ebé mak durante ne'e la'o e ho mós aprova planu ba futuru fulan neen (6) nian tanba ne'e buat barak la'o ona halo ona treinamentu ba kooperativa sira oinsá mak atu uza mosan e halo mós treinamentu ba funsionáriu kooperativa nian hahú ona husi fulan-janeiru to'o marsu ne'e e sei kontinua ba to'o dezembru no sei kontinua estende tan ba oin, depende ba programa nia la'o e hatudu ona progresu husi kooperativa sira komesa atu uza”, esplika nia.
Reuniaun ne’e Sekretáriu Estadu Kooperativa ho Uniaun Europeia ho United Nations Capital Development Fund (UNCDF) no Telemor Vintech ho Tuba Rai metin nomós Federasaun Hanai Malu. (*)