Print this page

MOP Hahú Envolve Feto Pursentu 30 iha Projetu Rurál

Diretór Jéral Administrasaun no Finansas MOP, Janúario Patricio Barbosa. Diretór Jéral Administrasaun no Finansas MOP, Janúario Patricio Barbosa. Foto Tempo Timor

 Tempotimor (Dili)-Ministériu Obras Públika (MOP) liuhusi Diretór Jéral Administrasaun no Finansas, Janúario Patricio Barbosa hatete, sira hahú envolve feto kuaze pursentu tolunolu (30%)  iha implemetasaun projetu rurál sira.

“Ami esforsu-an oinsá atu inklina feto sira iha projetu rurál sira, no dadaun ne'e, feto ne'ebé partisipa iha projetu rurál sira kuaze pursentu 30 ona kada projetu ne'ebé implementa husi kompaña sira”, dehan Dirétor Janúario iha Salaun City 8, Manleuana, kuarta (10/03).

Maibé Ministériu Obras Públika (MOP) labele halo intervensaun ona ba sira-nia servisu tanba iha Konsellu Ministru aprova ona lei ida ba sira hamriik hanesan Instituisaun Autónomo. Nune'e sira sei servisu maka’as oinsá bele hatama osan ba kofre Estadu.

Iha tempu uluk sei hamutuk ho MOP iha kontrolu, maibé agora hamriik mesak ona no osan ne'e sira mak jere rasik tanba orsamentu halo tranferénsia públika.

Nunme’e MOP inklui Ministériu relevante sira sei preve orsamentu pursentu 30 ba sensivel igualidade jeneru ninian iha Timor-Leste hodi hala’o servisu.

Reprezentante UN Woman, Teresa Verdial de Araújo hatete, atividade ne’e atu komemora loron nasionál ba feto maibé haree mós opstakulu no dezafiu ne’ebé feto no vulnerável sira hasoru.

Ho UN Woman nia mandata atu promove igualidade jeneru haree ba enkuadramentu feto, tanba haree ba inisiativa husi MOP di’ak tebes.

“Atu haree liu orsamentu husi MOP ne'e sensivel liu ba jeneru. Ida ne'e hanesan instrumentu ida ba Orsamentu Estadu bele responde ba nessesidade ema hotu nian liliu vulneravel no feto sira inklui ema sira iha multiviolensia”, dehan nia.

Tanba ne’e espera bele implementa iha Orsamentu Jéral Estadu nia, nune'e partisipasaun feto nian iha projetu rurál bele la’o di’ak liután hodi hatudu rezultadu ne’ebé pozitivu.

Ba progresu enkamiña feto sira iha lideransa no partisipasaun feto nian iha politika ne'e sa’e maka’as tebes ne’ebé sei haree liuba oinsá atu empodera feto rurá nia ekonomia no proteze feto sira inklui halo protesaun ba labarik sira liliu feto nia partisipasaun iha politika.

Ho ida ne’e, UN Woman prontu atu fasilita tékniku sira ba dezenvolve kapasita orsamentu sensivel jeneru ba funsionaáiu kona-ba saida mak igualodade jeneru liliu atu intrega iha servisu fatin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items