Login to your account

Username *
Password *
Remember Me

SEKOOP-SEFOPE Asiste Tomada de Posse ba Estrutura Kooperativa F-PRO

Sekretáriu Estadu Kooperativa (SEKOOP), Elizário Ferreira, no Sekretáriu Estadu Formasaun Profesionál no Empregu (SEFOPE), Alarico do Rozariu, foto hamutuk ho estrutura Kooperativa Kréditu Uniaun (CU) Família Profesionál (F-PRO) ne’ebé oin simu pose Sekretáriu Estadu Kooperativa (SEKOOP), Elizário Ferreira, no Sekretáriu Estadu Formasaun Profesionál no Empregu (SEFOPE), Alarico do Rozariu, foto hamutuk ho estrutura Kooperativa Kréditu Uniaun (CU) Família Profesionál (F-PRO) ne’ebé oin simu pose Foto Tempo Timor

Tempotimor (Díli)-Sekretáriu Estadu Kooperativa (SEKOOP), Elizário Ferreira, no Sekretáriu Estadu Formasaun Profesionál no Empregu (SEFOPE), Alarico do Rozariu, asiste tomada de Posse ba estrutura Kooperativa Kréditu Uniaun (CU) Família Profesionál (F-PRO) hamutuk 15 iha Sekretária Estadu Formasaun Profesionál no Empregu (SEFOPE).

Hafoin, sai sasin ba tomada de posse ba estrutura, iha intervensaun Sekretáriu Estadu Kooperativa (SEKOOP), Elizário Ferreira husu ba estrutura família Profesionál atu hatudu umilde, onestu no simplesidade iha Kooperativa nian.

“Umilde, onestu no simplesidadade mak karater ema dirijente kooperativa nian katak hahú dezenvolve ho umildade haraik-an kuandu iha dezenvolve tenke hatudu o nia onestidsde atu nune'e ema bele fiar o, se la onestu ema sei la fiar e sai simplesidade”, dehan Elizario Ferreira iha Salaun SEFOPE, Kaikoli, kinta (20/03).

Tanba atu sai lideransa kooperativa ida bele konsidera vokasaun ida ne'ebé ejize sakrifisiu-an ba membru sira, hodi bele haree no fó nafatin konfiansa, tanba fiar la hatudu hi hahalok fiar ne'e bosok ka laiha.

Lideransa kooperatuva tenke sai ezemplár iha kada kooperativa ida hodi atrai no sai umilde onestu no simplesidade ba membru kooperativa sira hodi lori kooperativa ne'ebé lidera hodi ba oin.

Nune'e mós Sekretáriu Estadu Formasaun Profesionál no Empregu (SEFOPE), Alarico do Rozariu katak, nia urgullu no sei kontinua apoiu kooperativa Kréditu Uniaun (CU) Família Profesionál (F-PRO) iha SEFOPE rasik.

“Membru Kooperativa SEFOPE ne'ebé mak ohin hetan posse hakuak boot no tane boot ba ita-boot sira hotu, ha'u uluk kedas dehan ha'u ema ida ne'ebé iha it- boot sira-nia kotuk hodi lori kooperativa ne'e ba oin”, dehan Alarico.

Alende SEFOPE iha vontade tanba SEKOOP bele hahú ona formasaun kooperativa hodi suporta atividade SEFOPE nia ba oin.

“Tanba SEFOPE nia papel ida mak hadi’a ema nia moris ida, atu oinsá ema ida nia moris sei di'ak liután ema ne'e moris tiha oinsá para hadi’a nia moris sai di'ak liután”, afirma nia.

SEFOPE instituisaun ida ne'ebé mak fó apoiu formasaun ba juventude sira atu dezenvolve sira-nia moris no sai moris ida di'ak liután iha sosiedade ida.

Prezidente Kooperativa CU F-PRO, Jacinto Barros Gusmão hatete, tempu badak sei akumula funsionáriu iha SEFOPE 170 sei tama ba kooperativa F-PRO ne'e rasik.

“Agrdese ba SEKOOP, dadaun ne'e sira iha membru hamutuk 37 maibé sei iha ema 170 ne'ebé mak iha SEFOPE atu envolve iha kooperativa ne'e rasik, ne'ebé ami fiar katak iha tempu badak ida ne'e sei servisu no hala'o ho di’ak”, dehan Jacinto.

Kooperativa Kréditu Uniaun (CU) Família Profesionál (F-PRO) hahú moris iha loron 5 fulan-fevereiru tinan 2022, ho membru dadaun ne’e 37, iha feto 15 no mane 22. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter