Liuhusi kontribuisaun jenerozu ne'e, PAM no Organizasaun Mundiál Saúde (OMS) sei servisu hamutuk hadi'ak labarik eskola oan sira-nia saúde no nutrisaun ne'ebé parseria hamutuk ho Ministeriu Edukasaun Juventude no Desportu (MEJD) no Ministeriu Saúde (MS) iha Timor-Leste.
“Durante tinan haat nia laran, labarik eskola oan 300.000 mak sei hetan negósiu husi projetu dehan la’e ba 5s, (hamlaha, moras lumbriga daet husi rai, moras kulit, fuma no hemu bebidas midar/hemu tua ne'ebé sei implementa iha territóriu tomak”, dehan Diretora KOICA iha Timor-Leste, Eunju Cha, iha Ótel City 8, Manleuana, tersa (08/03).
Projetu ida ne'e fó apoiu komprensivu husi apoiu téknika no lojistika to'o kapasitasaun fornesementu bá pakote kuidadu saúde primária, no ai-hán fortifikadu hodi hadi'ak ambiente eskola nian.
"Ha'u fiar katak ita-nia esforsu hamutuk ho ida ne'e ho liña koordenasaun, komunikasaun, asaun ne'ebé forte entre parte interesada sira hotu, sei rezulta iha ben-estár labarik sira-nia, iha tempu difsilita ita”, hatete nia.
Tanba Timor-Leste nia seguransa alimentar no mánutrisaun kontinua nafatin sai hanesan dezafiu ida kontinua ba beibeik, ne'ebé ho populasaun un-tersu mak hasoru situasaun inseguransa alimentar króniku.
Ministra saúde (MS), Odete Maria Freitas Belo hatete, nia parte hamutuk ho Ministériu Edukasaun Juventude no Desportu (MEJD) sei servisu hamutuk ho OMS no PAM, hodi kontinua halo metigasaun risku ba moras sira no responde ba mánutrisaun iha labarik sira.
“Ami sei servisu hamutuk hodi fornese ai-hán nutritivu, pakote kuidadu saúde primária, nune'e mós edukasaun saúde ba estudante sira, no garante katak eskola sira sai hanesan espasu ida atubele fasilita fatin aprendisajen ne'ebé di'ak liu”, dehan Ministra Odete.
Projetu saúde eskolar no nutrisaun ida ne'e sei kontribui mós hodi hadi'ak frekuénsia labarik sira ba eskola nomós rezultadu aprendisajen ida ne'ebé di'ak liu, husi fornesementu ai-hán nutritivu no edukasaun saúde nian.
Lansamentu ne'e hetan partisipa másima husi reprezentante World Food Programme (WFP) iha Timor-Leste, Organizasaun Saúde Mundiál (OMS), Korea International Cooperation Ajency (KOICA) iha Timor-Leste, Embaixadór Repúblika Korea Timor-Leste, Ministru saúde, Ministeriu Finansas no Minitériu Edukasaun Juventude Desportu (MEJD). (*)
