Tuir informasaun ne’ebé www.tempotimor.com asesu husi pájina ofisiál AIFAESA katak, iha kontrolu ne’e, AIFAESA liuhusi inspetór AIFAESA Departamentu Operasaun no Departamenru Metrolojia no Padronizasaun ne'ebé lidera hosi Diretór Operasaun, Viriato Paulo no akompaña husi Diretór DMP ho inspetór sira.

Tarjeitu husi kontrolu inspetór sira mak halo ba negosiante ambulante sira ne'ebé nafatin komersializa sigaru ilísitiu maske iha ona bandu atu la komersializa iha merkadu, bazea ba Dekretu-Lei n° 14/2016 rejime kontrolu tabaku.

Iha atividade ne'e, inspetór sira halo apreensaun ba tabaku ilísitiu Surya12 Slop 2, masu 94, lolon 45 no Matahari Joker Plástiku 20. Nune'e produtu hirak ne'e lori ba asegura iha edifísiu AIFAESA Matadouro.

Operasionál ne'e iha kooperasaun ho Polísia Nasionál Timor-Leste (PNTL) kompostu husi SIK (servisu Investigasaun Kriminal Nasionál) no Polísia Eskuarda Dom Aleixo. (*)