Prezidente CFP, Faustino Cardoso hatete, CFP fó pose ba Natalia Rocha da Costa sai Diretora Jerál Administrasaun Finansa no Planeamentu iha SEKoop bazeia ba desizaun númeru 4629/2022/PCFP konsidera informasaun sira ne'ebé aprezenta bazeia ba nota 21/DNRDCFP.
“Husu ba Diretora foun ne’ebé ohin simu pose ba oin servisu ho responsabilidade hodi serví ita-nia nasaun ida ne’e ho di’ak, tanba ita maske ho grau D maibé bele asume Diretora Jerál ida ne’e hatudu katak ita-boot iha kapasidade atu servisu ba rai ida ne’e”, dehan Faustino Cardoso iha Salaun Ministériu Solidaridade Sosiál no Inkluzaun (MSSI), Kaikoli, sesta (03/04).
Kona-ba rezultadu ba prosesu selesaun tuir méritu iha SEKoop nian ne’ebé konsidera kompete ba KFP deside kona-ba prátika administrativu jestaun iha setór públiku ba termu sira iha alinea númeru 2 artigu 6 lei, númeru 97/2009, 15 jullu, kria KFP, realiza rekrutamentu, nomeasaun no promosaun iha setór públiku.
Nune’e, konsidera katak rejime internu ne’ebé delega ona ba Prezidente ka nia substitui legá podér sira husi KFP nune’e, Prezidente KFP uza nia kompeténsia ne’ebé prevee iha lei númeru 7/2009, 15 jullu, ohin fó pose ba Natalia Rocha da Costa.
Diretora Jerál Administrasaun Finansa no Planeamentu iha SEKOOP, Natalia Rocha da Costa, nia parte sente kontente ba kargu ne’ebé nia hetan, maske nia rasik ho grau D, nune’e ho jura ba Maromak katak sei servisu obedese tuir Konstituisaun Repúblika Timor-Leste ne’ebé iha.
“Ha’u sei serví ba rai ida ne’e ho leál ba Estadu, Governu, servisu tuir funasaun funsionáriu Públiku nian, no ha’u sei hatudu servisu di’ak hodi serví komunidade, povu ho insensaun onestidade profesionalizmu ho fuan hodi tau aas interese nasaun nian”, hatete nia.
Iha tomada posse refere ne'e hetan partsipasaun hoai Prezidente KFP, Faustino Cardoso, Sekretáriu Estadu Kooperativa (SEKOOP), Elizário Ferreira, inklui funsionáriu SEKOOP sira. (*)