Tanba ne’e, ABC Extra Stout sai popular liu iha Timor-Leste ho konsumidór timoroan sira gosta tebes.
“Hodi iha relevánsia, ami kontinua rona ami-nia konsumidór sira no husi ne’e ami aprende katak tempu to’o ona atu ami introduz ami-nia embalajen foun ho kór metan no osan-mean ne'ebé mak moderna no premium liu maibé mantein kualidade di’ak ne’ebé ami-nia konsumidór sira bele enjoy”, dehan Jerente ba Marka Heineken Timor-Leste, Tiago Graca, iha Sala Konferénsia, CBD 5 Timor-Plaza Dili, sesta (04/03).
Ba ABC Extra Stout halo parte iha potofóliu Heineken Timor-Leste, dezde hari’i empreza ne'e iha tinan 2016, dezempeña papel importante ida hodi fornese esperiénsia Navál ba konsumidór sira ne'ebé buka serveja metan no onestu.
Ho ABC ne’ebé te'in dahuluk iha Singapura iha tinan 1931 iha Archipelago Brewery Co, ABC Extra Stout mak Stout orijinál Singapura husi eransa Alemaña, nia iha sabor malt no aromatiku ne'ebé diferente no fó moruk, te'in ho padraun Internasional husi maluk Timoroan, uza roated malt, hops no fermentu kualidade, hodi fó ba ita-boot sira gostu auténtiku lolos.
Heineken Timor-Leste espera katak, demanda ba ABC Extra Stout sei kontinua buras nafatin tamba produz konsistentemente serveja ho kualidade ne'ebé ho sabor esepsionál no ninia parezentasaun premium modernu. Serveja produz ho ingrediente kualidade no sustentavel husi produtor ne'ebé hetan fiar no amigavel ba ambiente.
Tanba Heineken Timor-Leste S.A. nu’udar subsidiáriu ida husi HEINEKEN iha Timor-Leste. Empreza ne'e asina ona akordu Espesiál Investmentu ho Governu iha fulan-Janeiru tinan 2015 no hahú ninia produsaun lokál iha tinan 2017.
Durante ne'e HEINEKEN halo rekrutamentu no fó servisu ba traballadór timoroan hamutuk na’in-rihun-ida, maibé tanba Pandemia Covid-19 ne'ebé afeta rendimentu husi empreza ne'e rasik minimiza tiha traballadór sira no dadaun ne'e'e traballador Timoroan hamutuk 89 Pesóal.
Empreza ne'e prodúz no fa'an produtu serveja internasionál lubuk ida, hanesan Heineken (serveja premium No.1 iha mundu), Bintang, Tiger, Sagres, ABC no Liurai. HTSA nu’udar investor boot liu iha setór manufatura ho padraun Internasionál ne'ebé estabelese ona iha Timor-Leste. (*)
