Login to your account

Username *
Password *
Remember Me

CNC Entrega Uma Memoria Esperansa ba Sobrevivente Duarte

Uma ne’ebé Centro Nacional Chega (CNC) entrega ba Vitima sobrevivente levantamentu Marabia 10 Juiñu 1980, Duarto Agostu da Silva, iha Aldeia Nahaek, Suku Dare, Postu Administrativu Vera Kruz, Munisipiu Dili. Uma ne’ebé Centro Nacional Chega (CNC) entrega ba Vitima sobrevivente levantamentu Marabia 10 Juiñu 1980, Duarto Agostu da Silva, iha Aldeia Nahaek, Suku Dare, Postu Administrativu Vera Kruz, Munisipiu Dili. Foto Suplay

Tempotimor (Dili)-Centro Nacional Chega (CNC) entrega xave Uma Memória Esperansa Vitima sobrevivente levantamentu Marabia 10 Juiñu 1980, Duarto Agostu da Silva, iha Aldeia Nahaek, Suku Dare, Postu Administrativu Vera Kruz, Munisipiu Dili.

Tanba lansamentu fatuk dahuluk konstrusaun "Uma Ba Memória Esperansa" hala’o iha loron 11 fulan-outubru 2021, iha Aldeia Nahaek, Suku Dare, Postu Administrativu Vera Kruz, Munisipiu Dili, ne'ebe iha 01 fulan-Marsu 2022, konsege entrega ba sobrevivente Duarte.

 “Tuir dadús husi Centro Nacional Chega (CNC) iha tinan 2021 sei apoia konstrui "Uma Memória Esperansa" ba sobrevivente sira iha territóriu nasionál hamutuk 11, ne'ebé kompostu husi Munisípiu Dili konstrui uma rua (2), Lautein tolu (3), Vikeké ida (1), Ainaro rua (2), Covalima ida (1) no Likisá rua (2), ho totál orsamentu ba apoiu konstrui hamutuk $160.000”, informa Diretór Ezekutivu CNC, Hugo Maria Fernandes,, iha Aldeia Nahaek, Suku Dare, Postu Administrativu Vera Cruz, Munisípiu Dili, tersa (01/03).

Tanba iha tinan 2021, tuir Orsamentu Jerál Estadu 2021 nian, CNC aloka osan atu hari’i uma ho naran "Uma Memoria ba Esperansa", uma ne'e halo parseria ho Asosiasaun Vitima Konflitu Polítiku (AVKP), no uma ne'e hari’i ba sobrevivente sira husi konflitu pasadu ne'ebé mak kondisaun fiziku rezultadu husi sofrementu violasaun diretu umanu huso militar Indonézia halo, kontinua sofre.

“Tinan ida ne'e uma sanulu ne'ebé mak CNC halo, ida iha Maubara, Primeiru Ministru (PM) rasik inaugura tiha ona, no iha loron 01 fulan-marsu entrega xave, la'ós inaugura, tanba simbolikamente PM inaugura tiha ona iha fulan hirak liu ba, ohin ita entrega xave maun Duarte no mana ho oan sira, ne'ebé mak nu'udar sobrevivente husi levantamentu Marabia iha tinan 1980 nian”, hatete nia.

Ba uma ne'e primeiru halo ho itensaun atu fó dignifikasaun ba sobrevivente sira, no vítima sira ne'ebé mak durante iha tempu okipasaun Indonezia partisipa sai vítima husi okupante militar Indonézia ninian, segundu nu'udar komponente importante ida husi reparasaun nian, tanba CNC nu'udar institu ida ne'ebé mak responsável atu tau matan ba sobrevivente sira, no hari’i uma ne'e, hodi sai modelu reparasaun ida ba sobrevivente sira.

“Importante liuhusi hari’i uma ida ne'e mak, solidariedade husi komunidade sobrevivente sira, iha aldea Nahaek, suku Dare nian ne'ebé mak kontribui ba hodi apoiu hari’i uma ida ne'e, entaun uma ida ne'e nu'udar jestu, no oinsá Estadu RDTL liuhusi CNC, ho Orsamentu Jerál Estadu nian, hatudu nia solidariedade, no nia rekoñesimentu ba sobrevivente sira, husi ita-nia, memoria pasadu ne'ebé mak sira mak sai vítima ba konflitiku politiku, nian”, relata nia.

Enkuantu, uma ne'e ho ninia medida 7x9, iha uma laran ne'e kuartu tolu, no haris fatin, dapur hodi bele utiliza, sala vizita ne’ebé landa ba daruak nian no ha fulan-marsu nia laran sei kompleta tan uma ualu (8).

Koordenadór Ezekutivu Sekretáriadu Nasionál Asosiasaun Vitima Konflitu Pasadu 1974- 1999, Domingos Pinto de Araujo hatete, ho prosesu kontrusaun ne’ebé halo atraza oituan, tanba klima ne'ebée mós ladun fó fatin atubele aselera konstrusaun ho lalais.

Maibé ho esforsu no kontribuisaun maka'as ne’ebé iha konsege halo inaugurasaun iha Munisípiu Likisá no kontinua iha Aldeia Nahaek no iha fatin sira seluk ne’ebé sei finaliza iha fulan-oin.

Hafoin entrega uma ba Vitima sobrevivente levantamentu Marabia 10 Juiñu 1980, Duarto Agostu da Silva, ne’ebe hetan akompaña husi nia espoza, Luisa de Fatima Sousa, ho matan-been turu bainhira simu ona xave husi Diretór Ezekutivu Centru Nacionál Chega (CNC), Hugo Maria Fernandes, iha ámbitu entrega xave ba sira, “Ami fó agradese teb-tebes ba CNC”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter