“Sei iha projetu barak mak ami aprosima Primeiru Ministru para ko'alia mós ho Ministru Obras Públika ho Ministru Estatál se ita buka kompaña ne'ebé servisu ba komunidade kleur karik, Cruz Vermelha nia ema voluntáriu iha fatin hothotu ne'ebé mak ajuda iha komunidade atu halo servisu dada bee ka halo uma kbi’it laek ne'ebé mak lais ba liu iha povu”, dehan nia Prezidente CVTL hafoin enkontru ho PM Taur iha Rezidénsia Faról (28/02)

Alende aprezenta mós servisu Crus Vermelha ne'ebé durante ne'e la'o ona ba Primeiru Ministru, tanba atu halo servisu tuir estratéjia tuir Cruz Vermelha nian haree liu ba komunidade ne'ebé mak mukit, ezemplu hanesan iha situasaun urjente sira hanesan kalamidade.

“Cruz Vermelha nia papel ita mós tau atensaun ba programa ne'ebé ita hala'o rutin ezemplu dada bee-moos ba komunidade hadi’a sentina públiku halo uma ba kbi’it laek sira ne'e atividade nutrisaun ida ne'e tama iha atividade planu CruszVermelha nian e depois fó treinamentu ba primeiru sokoru ba joven sira no ba komunidade, haree mós ba banku de sangue ida ne'e tulun ba vida umanitaria”, esplika nia.

Nune'e Primeiru Ministru kontente ho atividade Cruz Vermelha Timor-Leste ne'ebé hala'o dadaun tanba ajuda tebes Governu no komunidade sira.

“Señór Primeiru Ministru kontente nia konta istória naruk purke saida mak Cruz Vermelha hala'o ne'e uluk Primeiru Ministru sei iha Prezidente Repúblika nia hatene tiha ona tanba ita mai fó kedan resposta”, haktuir nia.

Antes ne'e, Eis Prezidente Repúblika, Taur Matan Ruak, husu ba Cruz Vermelha atu instala bee-moos ba Munisípiu Ataúru ikus mai konsege dada bee ba 7komunidade sira ne’ebé hela iha área ne’eba.

“Ezemplu uluk nia sei prezidente nia husu para bee tenke dada ba tanba ema hemu bee masin agora Cruz Vermelha dada tiha ona bee ne'ebé agora ema ne'ebá la hemu ona bee masin”, afirma nia. (*)