Print this page

Governu Esforsu Solusiona Problema Kalamidade 4 Abril

By February 26, 2022 573
Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak hatete, Governu sei esforsu atu solusiona problema kalamidade dezastre naturál iha loron 4 Abril tinan 2021.

“Ita-boot sira haree tok 2021, estragu 4 de Abril ne'e ninia valór 300 itál milhões dollar amerikanu, ita atu hadi’a ita presiza 400 milhões dollar amerikanu. Entaun ne'e kustu ida ke boot la halimar, mais Governu halo hela esforsu ida ne'ebé bele ita hadi’a, ida ne'ebé ita la bele, ita tenke buka dalan para solusiona, tanba ne'e, problema ida ke atinje seguransa ita-nia sidadaun sira-nia e ita-nia sidade Dili, ita-nia País tomak”, dehan Taur hafoin hasoru malu ho PR Lú Olo iha Palasíu Presidensiál Bairupite, Sesta (25/02).

Tanba problema ne’ebé durante ne’e sai preokupasaun boot Governu haree ba estragu kiik ne’ebé utrapa, maibé la imajina inundasaun sei mosu boot hodi sobu sasán sira iha munisípiu barak.

“Ita-nia kbiit rekooperasaun, ita tinan-tinan ita tau orsamentu ita la prevee katak nia bele, ita prevee buat kiikoan, kiikoan, ita nunka prevee buat boot, derepente ita kuandu iha tiha ona, husik kotuk ne'e mai, inundasau sobu ita-nia sasan sobu valór liu fali”, hatete Taur.

Antes ne'e, Reprezentante komunidade no joventude husi munisípiu Manatutu, Postu Administrativu Lakllo hasoru direta Prezidente Repúblika, Francisco Guterres 'Lú Olo' hodi hato'o prekupasaun ne'ebé komunidade hasoru iha 4 abril inundasaun hodi estraga irrigasaun sira maibé Governu seidauk rezolve.

“Ami hato’o kona-ba preokupasaun ne’ebé agora dadaun iha postu Laklo, liliu ba kalamidade ne’ebé akontese iha 4 abril to’o agora halo povu iha Postu Laklo halerik hela ba atividade ne’e, kuaze maioria sira-nia natar, to’os no uma fatin ne’ebé mak agora dadaun seidauk iha mudansa rekoperasaun ruma husi Governu”, dehan Reprezentante Komunidade Vítima Dezastre Naturál, Vitorino Maria de Jesus da Costa hafoin hasoru malu ho RR Lú Olo iha Palasíu Prezidensiál Bairupite, sesta (18/02). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items