Login to your account

Username *
Password *
Remember Me

MAP Inaugura Moru Protesaun iha Sentru Produsaun Fini Baukau

Xefe Suku Triloka ho Diretóra Jerál Agrikultura no Irigasaun, Maria Odete Do Céu Guterres no entidades sira iha Baukau hamrik tesi hela fita ka simbolu inagurasaun ba moru protesaun iha Triloka, kinta (24/02). Xefe Suku Triloka ho Diretóra Jerál Agrikultura no Irigasaun, Maria Odete Do Céu Guterres no entidades sira iha Baukau hamrik tesi hela fita ka simbolu inagurasaun ba moru protesaun iha Triloka, kinta (24/02). Foto Tomas Freitas

Tempotimor (Baukau)-Ministéiru Agrikultura no Peskas (MAP) liuhusi nia diresaun servisu Diretóra Jerál Agrikultura no Irrigasaun, inaugura ona moru protesaun iha sentru produsaun fini Suku Triloka, Postu Administrativu Baukau Vila Munisípiu Baukau.

"Ohin ita mai iha ne'e, seremonia inaugurasaun ba moru ne'ebé halo haleu ona ita nia sentru sementus agrikolas iha Triloka, sentru ida ne'e eziste Indonezia nia tempu, tama prioridades tinan hirak liu ba la konsege hala'o moru, maibé ohin loron konsege hala'o motu," dehan Diretóra Jerál Agrikultura no Irigasaun, Maria Odete Do Céu Guterres iha Suku Triloka, kinta (24/02).

Orsamentu ne'ebé aloka ba konstrusaun  moru protesaun, husi transferensia públika no hetan aprovasaun husi Ajésia Dezenvolvimentu Nasionál (ADN) banhira joven sira iha Suku Triloka remata halo konstrusaun no hetan supervizaun husi hikas ADN hafoin halo pagamentu.

"Osan ne'ebé alokadu tuir dezeñu rihun 98,237, maibé rai luan ho meiu hektar 500 meter kuadradu, ita nia joven sira konsege poúpa osan, restu ne'e sira halo guarda seguránsa nian iha oin, osan balun troka fali kalen uma ida nia tomak no mós halo tangki bee, buat sira ne'e hotu hanesan fasilidade ajuda hodi dezenvolve ita nia sentru fini nian iha Triloka, nia médida 490 ital kuadradus hodi kobre tomak sentru ne'e," Maria informa

Hafoin remata konstrui moru protesaun, MAP mós planu atu kontinua konstrui armazen ba fini nian, nune'e bele konsentra hotu fini ne'ebé iha.

Servisu hotu hala'o, tanba Governu halo koperasaun ho Governu Austrália liuhusi projetu sidoplay ne'ebé dezenvolve husi tinan 2016 to'o agora, maibé iha tinan hirak ne'e Governu Timor-Leste rasik mak ka'er liuhusi departementu sementus agrikolas servisu hamutuk ho peskizadór sira atu dezenvolve fini ne'ebé Governu rekomenda ba agrikultóres sira kuda.

"Kuaze tinan-10 resin ona ita la importa fini batar no hare husi liur, tanba Governu halo ida ne'e halo teste adaptivu ba fini hare no batar ne'e para ita trava importasaun husi liur, paralende fini batar no hare, ita mós halo teste adaptivu ba fini legumes fore, forekeli, foremungu, forerai no aifarina fehuk midar sira ne'e halo dezenvolve sentru sira ne'e," nia hatete

Enkuatu sentru produsaun fini Triloka eziste hanesan sentru dezenvolvimentu ba fini hare, batar, fore-rai, forekeli, foremungu inklui fehuk midar.

Nune'e, Xefe Grupo Triloka Anan, Justinho José da Silva hatete, moru protesaun ne'e hahú konstrui iha loron 3 fulan-dezembru tinan 2021 kompostu husi traballadór na'in 44 husi Suku Triloka.

"Ami hasoru problema iklima mak afeita ami, ne'e mk durasaun moru ne'e, remata to'o fulan-2, maibé ami target ne'e fulan ida ho balun de'it," nia haktuir

Projetu moru protesaun ne'ebé Governu fó konfiansa ba joven Triloka hodi konstrui, traballador sira sente kontente, tanba bele fó benefisiu direita.

Enkuantu Ofisiál Fini Munisípiu Baukau, Basílio da Silva Pires hatete, antes ne'e moru protesaun laiha atu garante kualidade ba sentru produsaun fini Baukau, maibé MAP konstrui moru protesaun ne'e bele garante servisu segúru no halo di'aik liután ba futuru.(*)

Rate this item
(0 votes)
Last modified on Thursday, 24 February 2022 18:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter