Tempotimor (Manatuto)-Sekretáriu Estadu Protesaun Sivíl, Joaquim Gusmão hatete, Governu hakarak Arte Marsiál sira husik istória pasadu ne’ebé la fó vantazen ba nasaun, tanba ne’e hala’o kampaña dame ida ne'e marka pasu pozitivu atu hakiak dame no tane as espíritu dame.

Tempotimor (Baukau)-Diresaun Servisu Protesaun Sivil no Jestaun Desastre Naturais Munisípiu Baukau, fó ona apoiu emerjénsia ba vítima inséndiu iha Aldeia Uligata, Suku Afaça, Postu Adminisitrativu Kelikai.

Tempotimor (Dili)-Governu liuhusi Sekretáriu Estadu Protesaun Sivíl (SEPS) hala’o semináriu internasionál ne’ebé hetan apoiu husi Governu Austrália iha Timor-Leste, hodi bele rekolla hanoin kona-ba jestaun risku dezastre iha Timor-Leste (TL).

Tempotimor (Díli)-Prezidente Autoridade Protesaun Sivíl, Ismael Babo hatete, ekipa protesaun sivíl koordena ona ho responsavel iha Sentru Formasaun Dom Bosco, iha fulan-maiu 2022 sei hasai vítima dezastre naturál ne'ebé akontese (23/02) ne’ebé sei okupa hela sentru Dom Bosco.

Tempotimor (Díli)-Sekretária Estadu Protesaun Sivíl liuhusi Prezidente Autoridade Protesaun Sivíl, Ismael Babo, husu ba entidade ajente isra atu servisu hamutuk hodi proteje sidadaun sira-nia vida iha situasaun dezastre.

Tempotimor (Dili)-Diretór Jerál Dezemvolviimentu Rurál Ministériu Administrasaun Estatál (MAE), Resito Guterres hatete, daudaun ne’e Governu oke konkursu públiku atubele konstrui sentru akollamentu Multifunsaun iha Aldeia Mota-Ninin, Suku Hera, Postu Administrativu Kristu Rei, Munisípiu Dili.

Tempotimor (Dili)-Sekretáriu Estadu Protesaun Sivíl (SEPS), Joaquim José G.dos Reis Martins hatete, durante iha eleisaun prezidensiál identifika Polísia Nasionál Timor-Leste (PNTL) hasoru difikuldade barak liuliu iha ekipamentu viatura nia.

“Sim ita rekoñese katak, ita-nia PNTL iha difikuldade nomós limitasaun barak ne'ebé mak sira hasoru, ita identifika liliu ekipamentu viatura ne'ebé iha, la sufisiente nomós avaria”, dehan Joaquin bainhira reprezenta Vise Ministru Interior, Antonio Armindo, hodi ba enkontru ho PM Taur Matan Ruak, iha Palásiu Governu, tersa (29/03).

Maske hasoru difikuldade barak, maibé ida ne'e la sai hanesan obstakulu ba PNTL sira hodi halo servisu iha terenu.

“Maibé sira nafatin hala'o sira-nia funsaun servisu ho di'ak iha terenu”, hatete nia.

Aleinde ne'e mós, Komandu Jerál hala'o ona avaliasaun ho Komandante munisípiu sira hotu, no deskobre duni katak iha difikuldade barak ne'ebé mak PNTL hasoru iha terenu liliu iha eleisaun prezidensiál ne'e.

“Los duni iha eleisaun prezidensiál ba ronde dahuluk ne'e iha difikuldade barak ne'ebé mak PNTL hasoru, nune'e agora ba segunda ronde ita iha ona planu oinsá mak bele muda ita-nia pontu frakeza sira iha ronde dahuluk nia ne'e, nune'e ba segunda ronde nia ita bele hadi’a di'ak liután”, afirma nia.

Ba segunda volta nafatin mantein planu operasaun ne'ebé PNTL iha, hodi atua situasaun ne'ebé akontese iha terrenu liliu ba pertubasaun ne'ebé mak mosu no halo husi apoiante sira iha eleisaun prezidensiál ronde dahuluk.

“Ita sei halo aprosimasaun ba team susesu sira husi nasionál no munisípiu sira, para bele garantia, hodi haree sira-nia apoiante sira, para labele kria tan pertubasaun nomós aktu ne'ebé mak akontese iha primeiru ronde”, afirma nia. (*)

Tempotimor (Dili)-Sekretáriu Estadu Protesaun Sivíl (SEPS) rejista vítima ida ho naran kompletu Joaquim Guterres Soares idade (9) monu tama iha valeta laran to’o mate, inklui karreta rua mout iha mota kasnafar Suku Manleuana, Postu Administrativu Dom Aleixu Munisípiu Dili, impaktu husi udan-boot ne’ebé akontese horisehik, loron 29 marsu tuku 17:00 oras timor-leste (otl).

Tempotimor (Dili)-Governu liuhusi Konsellu Ministru (KM) nomeia Superintente Polísia Ismael da Costa Babo hodi lidera Autoridade Protesaun Sivil.

Tempotimor (Dili)-Sekretáriu Estadu Protesaun Sivíl (SEPS) liuhusi Diresaun Nasionál ba Prevensaun Konflitu Komunitária hamutuk (DNPKK) ho Komandu Polísia Nasionál Timor-Leste (PNTL) servisu hamutuk ho Plan Internasional Timor-Leste hala’o avizu no alerta sedu ba prevensaun konflitu tama sai suku iha Munisípiu Dili durante loron tolu (07 to’o 09 marsu) atu prevene konflitu no asegura kampaña eleisaun prezidensiál.