Tempotimor (Dili)-Primeiru Ministru (PM), Taur Matan Ruak, orienta Vise Ministru Interior (VMI), António Armindo atu aselera lalais konstrusaun edifísiu Kuartel Jerál Polísia Nasionál Timor-Leste (PNTL) no edifísiu foun ba Servisu Migrasaun.

Tempotimor (Dili)-Ministru Agrikultór no Peskas (MAP), Pedro dos Reis hatete, nia parte simu ona orientasaun husi Primeiru Ministru (PM), Taur Matan Ruak, atu kria Portu ikan integradu ida ba Peskadór sira.

Tempotimor (Dili)-Prezidente Partidu Linertasaun Popular (PLP), Taur Matan Ruak hatete, nia parte simu orden husi Kandidatu Prezidente Repúblika (PR), períodu 2022-2027, Francisco Guterres ‘Lú Olo’, atu akompaña Sekretáriu Jerál Partidu FRETILIN, Mari Bim Amude Alkatiri, hala'o kampaña segundu volta ba loron dasia iha Tasitolu, Suku Komoro, Postu Administrativu Dom Aleixo, Munisípiu Dili.

“Primeira ha'u hakarak hatete ba ita-boot sira, tanba saida mak ita-nia kandidatu la mai, tanba ha'u akompaña nia dala ida de'it iha Ermera, entaun nia fó orden, nia dehan, Taur Matan Ruak, ita-boot mak tenke akompaña Sekretáriu Jerál ba Tasitolu, ha'u dehan prontu (siap) Komandante”, esplika Taur iha ámbitu kampaña eleitorál husi Kandidatu Lú Olo nian iha Tasitolu, domingu (10/04).

Tanba ne’e, atu fahe informasaun no programa ba militante no apoiante sira, hodi hatutan ba maluk sira sel-seluk, atubele hatene razaun loloos atu vota ba Kandidatu Lú Olo ho númeru sorteu 2.

“Tanba saida mak ita tenke vota ba númeru 2, Primeiru ita hakarak nasaun forte ka la’e?, se imi hakarak nasaun forte, só forte ho kandidatu númeru 2 Lú Olo, tanba saida, nia kuda ai, nia hatene rega, nia hatene tau matan, ida númeru 1 nia fukit, nia silu, nia la kuda, nia sobu, tanba ne'e labele”, afirma nia.

Diretór Kampaña Kandidatu Lú Olo, José Manuel ‘Nakfilak’ hatete, Prezidente Partidu FRETILIN, Francisco Guterres ‘Lú Olo’, konsege ultrapasa situsaun impase polítika ho dame no estabilidade, inklui ultrapasa mós Krize Mundiál pamdemia Covid-19 ne'ebé mak povu la mate barak.

Tanba situasaun Pandemia Covid-19 ne'ebé mak mosu iha rai laran, Prezidente Repúblika, Francisco Guterres ‘Lú Olo’, liuhusi ninia polítika hamutuk ho medida ne'ebé forte husi Governu daualu konstituisionál hodi salva povu ida ne'e konsege atinje óbitu sira iha Timor-Leste iha 130 de'it.

“Kamarada Lú Olo, tanba sá mak ita tenke lori nia ba iha 19 abrik atu ba tur nuudar Prezidente ba rai ida ne'e, tanba primeiru nia konsege ultrapasa impase sira iha Timor ne'e ho dame, ho hakmatek, ho estabilidade ho domin ba ita tomak. Lú Olo hatene ultrapasa krize mundiál ne'ebé mak iha ita-nia rai, la halo povu mate barak liu hanesan iha rai seluk”, afirma nia.

Tanba ne'e bainhidra militante no apoiante sira hili kamarada Lú Olo ba Aitarak laran, mak sei hametin estabilidade iha rai laran hodi lori dezenvolvimentu mai, no lori mudansa ba povu nia moris hamutuk ho ezekutivu ne'ebe mak forte. (*)

Tempotimor (Dili)-Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri deklara, Governu daualu ne'ebé lidera husi Primeiru Ministru (PM), Taur Matan Ruak, sei kompleta eleitrisidade iha Timor-Leste laran husi Suku 33 ne'ebe seidauk asesu ahi-eletrisidade, tanba projetu dadaun ne'e la'o hela.

Tempotimor (Dili)-Vise Primeira Ministra no ministra solidaridade Sosiál no Inkluzaun, Armanda Berta dos Santos, aban, sesta (01/04) hahú asume kargu Primeiru Ministra Interina hodi lidera Governu daualu durante semana rua nia laran.

Tempotimor (Dili)-Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri, la fiar Kandidatu Prezidente Repúblika, José Ramos Horta, hatete Prezidente Partidu CNRT, Kay Rala Xanana Gusmão, konkorta Taur Matan Ruak kontinua Primeiru Ministru (PM) to’o tinan 2023, tanba ne'e labele disolve Parlamentu Nasional.

“Se la to’o rohan tanba saida, ho maioria ke resistente Governu ida ne'e, laiha ne'e la’ós to'o rohan de'it. Nia (José Ramos Horta) bosok ten, ha'u mak dehan duni, nia hatene nia labele disolve ne'e mak nia agora tenta fali dehan ba Jenerál Taur Matan Ruak katak Xanana konkorda atu nia kontinua Primeiru Ministru to'o 2023”, dehan Alkatiri hafoin partisipa serimónia tomada pose Membru Governu foun na'in-rua iha Palásiu Prezidensiál, Bairopite, kinta (31/03).

Ho deklarasaun ne'ebé Horta aprezenta atu disolve Parlamentu Nasionál (PN) ne'e, Alkatiri konsidera hanesan deklarasaun ida atu amaeasa de'it, tanba nia koiñese di'ak Ramos Horta.

“Kuandu nia ko’alia buat ne'e, ha’u dehan ne'e nia atu halo ameasa de'it, para bele haree se ema balun iha aliansa, plataforma atu muda ba novo maioria, ha'u koiñese, ami na'in-rua koiñese malu di'ak, nia la koiñese ha'u, ha'u koiñese nia”, deklara Alkatiri.

Durante tinan haat estabilidade governasaun ida ne'e ladun la'o di'ak, tanba tinan rua hamutuk ho Xanana Gusmão, maibé sé mak hatun Governu ne'e la'ós partidu FRETILIN.

Tanba bainhira situasaun akontese iha tinan rua nia laran, depois FRETILIN ba tama iha Governu, maibé ida ne'e hasoru pandemia, kalamidade, serka sanitária, buat sira ne'e hotu mak impede Governu la konsege hala'o dezenvolvimentu iha rai laran.

“Buat sira ne'e hotu mak desizaun ne'e kuandu dehan laiha dezenvolvimentu ka dezenvolvimentu kuandu la akontese iha terenu tanba situasaun ida ne'e”, hatete nia.

Maibé entermu instituisionál no programa ne'e Governu iha, no hein de'it momentu ida atu aranka de'it, tanba realidade hatudu ona agora de'it ezekusaun ba dezenvolvimentu kuaze 60 pursentu la'o hela.

“Di'ak liu, ou la ezekuta kuandu laiha kondisaun, osan hela iha ne'eba, duke ezekuta hanesan uluk $16 billaun dolar laiha rezultadu”, dehan nia. (*)

Tempotimor (Dili)-Primeiru Ministru (PM), Taur Matan Ruak, aban, sesta (01/04) hahú lisensa annual hodi partisipa Kampaña ba Kandidatu Prezidente Repúblika, Francisco Guterres ‘Lú Olo’, iha eleisaun segunda volta, ne’ebé hala’o iha loron sabadu, 2 to'o 16 abril 2022.

Tempotimor (Díli)-Sekretáriu Estadu Kooperativa (SEKOOP), Elizario Ferreira, aprezenta relatóriu servisu annual tinan 2021 ba Primeiru Ministru (PM), Taur Matan Ruak.

Tempotimor (Díli)-Ministru Administrasaun Estatál (MAE), Miguel Perreira de Carvalho hatete, Governu liuhusi Sekretariadu Tékniku Administrasaun Eleitorál (STAE) gasta ona osan ho montante millaun $4.5 ba eleisaun prezidensiál primeira volta.

“Orsamentu Jerál Estadu (OJE) 2022 nian ne'ebé Parlamentu Nasionál (PN) aprova, hodi realiza eleisaun prezidensiál ne'e, iha millaun $9 fó ba STAE, osan millaun $9 Ministériu das Finansas transfere ona ba STAE metade husi orsamentu ne'e ita uza ona ba eleisaun primeira volta no metade husi osan millaun $9 ne'e sei uza ba segunda volta”, dehan Ministru Miguel Perreira ba jornalista sira iha hafoin hasoru malu ho PM Taur, nia rezidénsia Faról, segunda (28/03).

Durante eleisaun prezidensiál ba primeira volta Governu utiliza ona metade OJE ne'ebé Parlamentu Nasionál aprova no dadaun halo hela preparasaun ba segunda volta kontinua utiliza metade ne’ebé transferese ona husi Ministériu Finansas.

Hafoin eleisaun prezidensiál remata, MAE aprezenta rezultadu ba Primeiru Ministru, Taur Matan Ruak hodi halo avaliasaun ba rezultadu eleisaun.

“Ohin, ha'u mai hasoru sua eselénsia Primeiru Ministru, Taur Matan Ruak hodi ko'alia oituan kona-ba preparasaun eleisaun prezidensiál segunda volta nian mais halo mós avaliasaun oituan kona-ba realizasaun eleisaun prezidensiál primeira volta”, esplika nia.

Tanba iha eleisaun Prezidensiál tinan 2022 ne'e taxa partisipasaun sa'e kompara ho Eleisaun Prezidensiál tinan 2017, husi pursentu 71, sa'e ba pursentu 77, ema lubun ida mak seidauk vota nafatin, entaun Governu nafatin halo esforsu nafatin hodi garante ema barak liután mak partisipa, esforsu ne'ebé mak temi bebeik mak aumenta sentru votasaun iha territóriu tomak nomós kriasaun de sentru estasaun votasaun Paralelu.

Tuir observasaun ne'ebé www.tempotimor.com nota iha terrenu durante eleisaun prezidensiál sidadaun kauze liu rihun-8-resin mak la konsege vota iha Sentru Votasaun Paralelu, tanba menus informasaun no rejistu tarde iha sentru votasaun Paralelu sira.

Nune'e komunidade barak iha Munisípiu Dili rasik mak la konsege vota tanba menus informasaun kona-ba prosesu oinsá atu rejistu iha sentru votasaun Paralelu. (*)

Tempotimor (Dili)-Primeiru Ministru (PM), Taur Matan Ruak, deklara sei ‘troka’ tan membru Governu balun ne’ebé naran iha ona lista resmodelasaun daruak nia iha Governu daualu.