Login to your account

Username *
Password *
Remember Me

Tempotimor (Dili)-Komisaun Nasionál Aprovizionamentu (CNA) loke ona prosesu konkursu públiku ba projetu konstrusaun estrada munisipál iha Munisípiu Baukau, husi Postu Administrativu Laga ba Postu Administrativu Baguia, no husi Uaiaka ba Postu Administrativu Kelikai, inklui parte balun husi Postu Administrativu Ossu, Munisípiu Vikeke nian.

Tempotimor (Dili)-Ministru Obras Públikas (MOP), Abel Pires da Silva, partisipa iha enkontru steering Committee ba Portu Baía Tibar ne’ebé lidera husi Ministru Finansas (MF), Rui Augusto Gomes, hodi diskute kona-ba preparasaun Governu nian antes ba operasaun Portu Baía Tibar, ne’ebé sei finaliza no operasaun iha fulan-Outubru, tarde liu iha fulan-Novemnru tinan 2022.

Tuir infprmasaun ne’ebé www.tempotimor.com asesu husi pájina MOP katak, enkontru ne’ebé iha edifísiu Ministériu Planu no Ordenamentu (MPO), Hudi Laran-Dili, hodi ko’alia kona-ba preparasaun Governu nian mak hela konstrusaun estrada protokolu husi Rotunda Prezidente Nicolau Lobato Komoro to’o Tasitolu hodi fasilita operasaun Portu Baía Tibar, liuliu fasilita ekipamentu pezadu halo movimentasaun iha dalan protokolu refere.

Iha enkontru ne’e deside mós halo indiminizasaun ba komunidade hodi fasilita prosesu kontrusaun ho lais liután, hodi nune’e bainhira konstrusaun Portu Baía Tibar remata estrada diresaun Rotunda to’o Tasitolu mós prontu ona hodi fasilita movimentasaun transporte.

Governu iha ona akordu ho kompaña konstrutór Portu Baía Tibar katak estrada protokolu Rotunda to’o Tasitolu tenke finaliza antes konstrusaun Portu Baía Tibar remata no tama iha operasaun, karik la finaliza mak Governu tenke hetan sansaun multa no selu osan lubuk ida ba kompaña tuir kontratu ne’ebé iha.

Enkontru interministeriál ne’e partisipa husi Ministru Finansas, Ministru Obras Públikas, Ministru Transporte no Komunikasaun (MTK), José Agostinho da Silva, Vise Ministru Justisa, Edmundo Caetano, Jestór Unidade Manajementu Projetu (PMU) Portu Baía Tibar, Rui Soares, Diretór sira husi ministériu relevante. (*)

Tempotimor (Dili)-Ministru Obras Públikas (MOP), Abel Pires da Silva, husu kompaña Catalpa ne’ebé halo dezeñu ba Sistema Informasaun Integradu no Jestaun Estrada (Integrated Roads Management Information Systems-IRMIS) antes entrega ba Governu liliu Ministériu Obras Públika hodi hatama dadus kona-ba estrada iha teritóriu nasionál.

Tempotimor (Dili)-Parseria ba Dezenvolvimentu Umanu (Partnership for Human Development-PHD) Timor-Leste no Austrália orgullu ho polítika Ministru Obras Públikas (MOP), Abel Pires da Silva, tanba bele fó importánsia ba timoroan ho kondisaun defisiénsia no envolve iha Gabinete Ministru hodi hasa’e koñesimentu no bele apoiu hodi hamosu programa ka polítika nasionál atu asegura asesibilidade iha prosesu konstrusaun.

Tempotimor (Dili)-Ministru Obras Públikas (MOP), Abel Pires da Silva, kontinua halo esforsu rezolve problema kalamidade ne’ebé akontese iha 4 fulan-Abril tinan 2021 no sobu ponte Bekussi hodi tau ponte provizóriu.

Tempotimor (Dili)-Ministru Obras Públikas (MOP), Abel da Silva Pires hatete, sira sei finaliza instalasaun liña eletrisidade ba suku sira sei iha tinan 2022, tanba nível aldeia nia sei finaliza iha tinan 2023.

Tempotimor (Baukau)‐Semana oin, kompaña lokál hamutuk-7 sei rebilita estrada rurál ho kilometru 20,8 iha Munísipiu Baukau.

 

Tempotimor (Dili)-Ministériu Obras Públikas (MOP) liuhusi Diresaun Jerál Habitasaun no Urbanízmu (DJHU) selebra akordu kooperasaun ho Universidade Nasionál Timor-Lorosa’e (UNTL) hodi fo formasaun-lian Portugés ba funsionáriu sira iha DJHU.

Tempotimor (Dili)-Konsellu Administrasaun Fundu Infraestrutura (KAFI) aprova ona dezeñu ba projetu Estrada husi dirasaun Postu Administratoivu Laga ba Baguia, Munisípiu Baukau.

Tempotimor (Dili)-Ministru Obras Públikas (MOP), Abel Pires da Silva, enkontru kortejia ho Embaixadór Austrália mai Timor-Leste, William Terrence Costello, iha Gabinete MOP, Kaikoli, Dili, kinta (05/05) hodi hametin kooperasaun no ko’alia mós kona-ba apoiu Austrália nian iha área infraestrutura.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter