Login to your account

Username *
Password *
Remember Me

Tempotimor (Dili)-Electronic Life Tecnology (ELT) husi Nasaun Korea liuhusi Ajénsia Kooperasaun Internasionál Korea nian (KOICA) iha Timor-Leste halo aprezentasaun ba Ministru Obras Públikas (MOP), Abel Pires da Silva, kona-ba projetu konstrusaun koneksaun rede ba mikro-rede halo redusaun ba emisaun karbonu no estabelesimentu estanadarizasaun ba kontinuasaun enérjia Solar iha Timor-Leste.

Tempotimor (Dili)-Deputadu Bankada Partidu Libertasaun Popular (PLP), Francisco de Vasconcelos, hameno hela ba Ministru Asuntu Parlamentar no Komunikasaun Sosiál (MAPKOMS), Francisco Martins Pereira Jeronimo, atu hatutan preokupasaun Komunidade kona-ba kondisaun estrada Postu Administrativu Uatukarbau, Munisípiu Vikeke ba Ministru Obras Públika (MOP), Abel da Silva Pires atu fó solusaun.

Tempotimor (Dili)-Deputadu Bankada Congreso Nacional Reconstrução de Timor (CNRT), Domingos Carvalho, preokupa kondisaun Estrada Sarlala ne’ebé difikulta hela movimentu komunidade iha Suku Madabenu, Suku Fatisi, no Suku Tohumeta.

Tempotimor (Dili)-Ministru Obras Públikas (MOP), Abel Pires da Silva, orienta Diretór Jerál Obras Públikas (DJOP), Rui Hernani, atu resolve mota Welolo, iha suku Luka, Postu Administrative Vikeké, Munisípiu Vikeké, ne’ebé sedimentasaun nakonu iha ponte okos.

Tempotimor (Dili)-Deputadu Congreso Nacional Reconstrução de Timor (CNRT), Marcos Xavier, lamenta durante ne’e Governu taka mata hela ba Ponte Loes no Ponte Bilimanu, tanba seidauk iha ekipa ba halo verikasaun hodi normaliza.

Tempotimor (Dili)-Ministru Obras Públikas (MOP), Abel Pires da Silva, orienta Diretór Jerál Obras Públikas (DJOP), Rui Hernani, no Diretór Nasionál Estrada, Ponte no Kontrollu i Seias (DNEPCC), Milton Ramanata de Castro Monteiro, inklui tékniku sira atu rezolve ponte Lamara, iha Postu Administrativu Natarbora, Munisípiu Manatutu nian no Ponte Dilor iha Postu Administrativu Lakluta, Munisípiu Vikeké ho orsamentu Fundu Infraestrutura (FI).

Tuir informasaun ne’ebé www.trmpotimor.com asesu iha pájina MOP, segunda (19/06) katak, observasaun ba ponte Lamara ne’ebé ho kondisaun kotu hela, Ministru Abel foti desizaun hodi orienta tékniku sira halo manutensaun ba ponte Lamara, nia orsamentu perkore ba Fundu Infraestrutura no lalika hein tan orsamentu husi fonte seluk hanesan fundu impréstimu sira tanba funsu impréstimu ne’e sei iha prosesu naruk.

“Ida-ne’e ita tenke deside, ita foti osan husi Fundu Infraestrutura, lalika hein tan seluk, tanba iha informasaun katak oraamentu Fundu Infraestrutura sei barak hela”, dehan Ministru Abel.

Hafoin halo observasaun ba ponte Larama, ekipa kontinua viajen ba ponte Dilór ne’ebé daudauk ne’e kondisaun kotu hela, movimentu ema-nian no transporte iha fatin refere atu ultrapasa tenke liuhusi mota-laran.

Tanba ne’e, orienta DJOP no ekipa tékniku sira atu buka solusaun liliu rezolve uluk problema kona-ba oinsá komunidade no transporte bele utiliza hikas ponte.

“Importante mak rezolve ida oan ne’e (parte sorin husi ponte Dilór ne’ebé mota sobu) pois mak estudu ba iha leten ne’eba hodi rezolve”, hatete Ministru.

Diretór Jerál Obras Públika hatete, ba ponte Lamara nian sei perkore ba orsamentu iha Fundu Infraestrutura, tanba ne’e sei aprezenta dezeñu ba Ajénsia Dezenvolvimentu Nasionál (ADN) hodi verifika, no kona-ba ponte Dilór nian sei rezolve tuir orientasaun Ministru nian, atubele fasilita komunidade no transporte iha fatin refere, inklui hametin estrutura ponte ne’e nian. (*)

Tempotimor (Dili)-Ministru Obras Públikas (MOP), Abel Pires da Silva, halo enkontru ho kargu xefia husi diresaun no funsionáriu sira, inklui parte husi Sekretária Estadu Kooperativa (SEKOOP) hodi ko'alia kona-ba planu atu hari’i kooperativa hodi fasilita funsionáriu sira iha ministériu.

Tempotimor (Dili)-Ministru Obras Públikas (MOP), Abel Pires da Silva, husu komunidade atubele apoiuimplementasaun programa prezervasaun udan-been iha mota ulun Ailok-Laran.

Tuir informasaun ne’ebé www.tempotimor.com asesu iha pájina MOP, kuarta (15/06) katak, Ministru Obras Públikas (MOP), Abel Pires da Silva, akompaña husi Prezidente Autoridade Nasionál Água no Saneamentu Institutu Públiku (ANAS.IP), Domingos Pinto, no tékniku sira husi Diresaun Nasionál Estrada, Ponte no Kontrollu i Seias (DNEPCC) inklui tékniku ANAS.IP rasik halo survey ba mota husi mota Maloa to’o mota uluk Ailok-Laran nian hodi rona informasaun no haree direita parte hirak ne’ebé ba implementasaun programa prezervasaun udan-been ka halo barazen iha mota-ulun.

“Nia huun ne’e iha inundasaun dala hira iha ne’e, ita hothotu hatene, akontese iha 2020 inundasaun, 2021 boot liután, iha Marsu liubá mós akontese inundasaun entaun kada insidenti ida kria estragu barak, estragu iha 2021 de’it kuaze millaun $300 estragu ba estrada, ponte, estrutura kontrolu e seias, lubuk ida, populasaun nia uma mós hetan estragu entaun ita bele hanoin, see kontinua tinan-tinan rezolve impaktu husi inundasaun iha kraik ou mai ita ba leten, halo esforsu prevensaun tanba ne’e mak agora daudauk ne’e ha’u agradese tebes ba Sr. Prezidente ANAS ho ekipa tomak iha ne’e.”, dehan nia.

Tanba ne’e ho objetivu rua, ida prervasaun udan-been no prespetiva kontrollu seias, prevensaun ne’e sei halo husi kedas foho tutun ne’ebé envolve husi komunidade sira, halo debu artefisiál.

“Ita halo para reduz propriedade rua husi bee ne’ebé mak bele estraga, primeiru velosiadade, segundu kuantidade. See kuantidade boot ho velosidade maka’as hanesan foin daudauk akontese ne’e bee sai inimigu, maibé see ita bele reduz kuantidade sai ki’ik ho velosidade ki’ik oan bee sai amigu hanesan ita tuur iha ne’e, bee-moos, matak furak tebes, ida-ne’e mak ita hakarak halo”, informa Ministru Obras Públikas.

Bainhira bele halo prezervasaun udan-been iha foho leten entaun estrutura infraestrutura sei la naksobu, sei la sobu uma, estrada no ponte sira sei la naksobu, maske nune’e, presiza esforsu barak.

Ho ida ne’e, ekipa prezervasaun udan-been iha mota sira ne’ebé lidera husi Prezidente ANAS.IP hala’o ona survey daurante fulan ida ho balun ona.

“Ha’u mai akompaña atu haree no sente esperiénsia direitamente dezafiu ne’ebé mak sira enfrenta, ne’ebé ha’u agradese tebes ba ekipa nia servisu tomak, besik hotu ona, falta tan mota Manleuanna nian, prontu ona ita tuur hamutuk, halo dezeñu para parte leten envolve joven sira, komunidade no ONG (Organizasaun Naun Governamentál) sira”, hatete nia.

Ho esforsu ida prezervasaun bee-moos atu antisipa no hamenus risku inundasaun kria mós servisu ba joven sira, kria mós servisu ba komunidade sira, nune’e benefísiu sei barak, bee-matan sira sei barak ho esforsu, tinan 2023 mai tan bee-matan sei di’ak, sei barak liután maibé mós fó servisu ba joven sira, ba populasaun sira, ne’ebé sei iha rekrutamentu depois de faze dezeñu, sei halo rekrutamentu kada mota ulun, husi joven sira ne’ebé mak hela besik atu halo servisu.

“Ha’u hanoin pruvolta 1000 pesoá resin, Dili laran tomak, sei envolve mós husi joven sira”, afirma nia.

Liuhusi peskiza mak sei identifika fatin ne’ebé presiza halo intervensaun husi mota-ulun to’o kraik estrutura barazen ne’ebé mak sei tau husi parte leten mota-ulun nian to’o kraik.

Iha estrutura oioin tékniku sira mak sei haree, importante mak dadus hotu tiha halo dezeñu hotu, tanba bazeia ba dezeñu bele haree presiza osan hira, maibé momentu tama primeiru iha ministériu husu kedas orsamentu hira mak bele ezekuta to’o fulan-dezembru, hirak ne’ebé seidauk realístiku mak labele implementa ka ezekuta.

“Entaun ita muda hotu mai esforsu ida-ne’e, ne’ebé ami identifika pelumenus millaun $3, ba esforsu ida-ne’e, ne’ebé millaun $1 parese ba leten, millaun $1 ba klaran, millaun $1 mai okos parte klaran, ha’u hanoin ba tinan oin ka tinan ida, tinan rua tan ne’e ita bele haree ona ninia benefísiu ne’e, udan bele oras ida, oras rua mós dalaruma bee latuun to’o kraik, dalaruma, mais ne’e esforsu han tempu, presiza ema hotu ninia partisipasaun no ami fiar katak ho orientasaun husi ita-nia nai Primeiru Ministru Jenerál Taur Matan Ruak, ita bele ezekuta ida-ne’e ho di’ak, atu nune’e udan mai tan, tinan ida ou rua mai tan ne’e ita-nia komunidade sira la presiza hader ona, ne’e ba longu prazu”, haktenik nia.

Bainhira Ministru ho ekipa halo peskiza iha mota Maloa komunidade husi Ailok-Laran hato’o preokupasaun kona-ba moru protesaun ne’ebé hetan ona estragus husi mota no sai ameasa ba komunidade nia hela fatin, maibé sei rezolve maske presiza lori tempu oituan no husu komunidade atu apoiu atividade prevensaun ne’ebé Governu sei halo iha mota sira Maloa nian.

“Agora ami la’o husi ne’e ba to’o leten, ami mai haree atu rezolve, oinsá mak ita reduz bee ne’e, ami presiza apoiu husi ita-boot sira”, katak Ministru.

Prezidente ANAS.IP, Domingos Pinto informa, iha planu jestaun ba rekursu bee nian oinsá mak halo intervensaun iha parte leten Dili nian hodi reduz udan-been.

“Ohin Sr. Ministru mai partisipa iha ne’e atividade survey ne’ebé ami halo kuaze fulan ida ho balun ona, objetivu husi survey ida-ne’e mak atu identifika área hotu iha Dili parte leten para Ministériu Obras Públikas bele halo intervensaun, atu haree oinsá bele redús bee ninia movimentu bai iha kraik nomós sedimentasaun ba kraik husi prespetiva jestaun rekursu bee ninian, tanba hanesan ita hatene katak udan-been ne’ebé tinan-tinan tuun tanba ita-nia kondisaun topográfia ne’ebé maka’as, sadere liu, udan-been mai nia halai lalais ba hotu tasi, entaun iha planu jestaun rekursu bee ninian, ita haree alternativa e servisu hamutuk ho Señor Ministru ne’ebé fó apoiu maka’as ba atividade ide-ne’e”, dehan Domingos.

Prezervasaun udan-been ne’e, objetivu prinsipál bele reduz dezastre impaktu husi inundasaun no halo jestaun di’ak ba rekursu bee, hodi konserva bee-moos iha laletek sira, inklui benefísiu seluk mak sei fó servisu ba komunidade liliu joven sira. (*)

Tempotimor (Dili)-Prezidente Repúblika (PR), José Ramos Horta, haruka Institutu Jestaun Ekipamentu, Institutu Públiku (IJE.ip) atu normaliza problema estrada ligasaun Kribas ba aldeia Kamedar, Suku Bariké, Postu Administrativu Natarbora, Munisípiu Manatuto ne’ebé dadaun nia kondisaun gravé ona.

Tempotimor (Dili)-Ministru Obras Públikas (MOP), Abel Pires da Silva, husu Kompaña lokál Mexa Unip, Lda, atu konstrui estrada husi área Teulale to'o Uatabo, Suku Buruma, Postu Administrativu Baukau, Munisípiu Baukau ho kualidade.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter