Tempotimor (Dili)-Prezidente Repúblika (PR), Francisco Guterres ‘Lú Olo’ deklara, labele nega Amu Bispu Dom Basílio do Nascimento nia apoiu ba Frente Armada liuhusi dalan klandestina.

Tempotimor (Dili)-Prezidente Episkopal Timorense, Bispu Dioseze Maliana, Dom Norberto do Amaral hatete, saudozu Bispu Dioseze Baukau Dom Basilio do Nascimento nia mate isin sei halot iha Katedral Baukau nia oin.

Tempotimor (Díli)-Bispu Dioseze Baukau, Dom Basílio do Nascimento hakotu iis iha Hospital Nasionál Guidu Valadares (HNGV), maibé seidauk hetan vijita husi lideransa nasaun nian iha Mortuáriu HNGV nian.

Tempotimor (Baukau)-Padre Vigário Parókia Katedral Santo António Baukau, Aderito Victor da Costa, hamutuk ho sarani sira forma ona komisaun extraordináriu ida hodi oraniza fatin iha Katedral, nune'e aban simu mate-isin Amu Bispu Dioseze Baukau Dom Basílio do Nascimento.

Tempotimor (Díli)-Diretór Hospital Nasionál Guidu Valadares (HNGV), Marcelino Corea hatete, Bispo Dioseze Baukau Dom Basilio do Nascimento hakotu iis tanba moras fuan ka (atakasaun Cardiovascolar).

Tempotimor (Dili)-Padre Martinho Germano da Silva Gusmão hatete, nia parte prontu hodi deside kandidata-an ba Prezidente Repúblika (PR) periodu tinan 2022-2027, tanba hetan ona karta suspensaun husi Bispu Dioseze Baukau Dom Basilio do Nacimento, iha loron 30 fulan-agustu tinan 2021.

Tempotimor (Dili)-Bispu Dioseze Baukau, Dom Basilio do Nacimento, dekreta suspensaun Ministériu Saserdotál, hodi hapara provizóriu padre Martinho Germano da Silva Gusmão husi nia kna’ar hanesan amu lulik iha Kreda Katólika nian, hahú loron 20 fulan-agostu tinan 2021.

"Ha'u nu’udar Bispo Dioseze Baukau nian dekreta suspensaun ministériu saserdotál, katak, hahú loron 20 fulan- agostu tinan 2021 ba oin, padre Martinho Germano da Silva Gusmão hapara nia atividade sira hotu ne'ebé sakramentu orden haraik ba nia atu hala'o iha uma kreda”; dehan Dom Basilio liuhusi karta ne’ebé www.tempotimor.com asesu, tersa (31/08).

Tuir karta ne’ebé fó sai husi Dioseze Baukau iha loron 30 fulan-agustu tinan 2021 katak, Dioseze Baukau deside hodi dekreta supensaun ida ne'e tanba bazeia ba pedidu husi amu Martinho Germano da Silva Gusmão ne’ebé haruka ona ba nia Bispo Diocesano iha loron 25 janeiru 2020, kona-bá atu renúnsia ba nia Ministériu Saserdotál, katak hapara nia kna’ar nu’udar Nai Lulik.

Nune'e mós, iha loron 4 fulan-fevereiru tinan 2021, amu Martinho Germano da Silva Gusmão kontinua haruka tan pedidu (Surat) ida ba Santu Padre hodi husu nia demisaun estadu klerikál, katak husu atu la moris ona tuir estatutu Nai lulik nian.

Ho desizaun no vontade ne’ebé amu Martinho Germano deside, dadauk prosesu kanóniku la'o hela, maibe nu’udar Bispo Dioseze Baukau nian deside dekreta suspensaun ministériu saserdotál.

“Kona-ba demisaun estadu klerikal ne'e, katak padre Matinho la moris ona nu’udar nai lulik ne’ebé simu Sakramentu ordem, maibé Sé Apostólika, Amu Papa de'it mak sei demite Padre Martinho Germano da Silva Gusmão husí nia estadu Klerikal”, dehan Dom Basílio.

Tanba ne'e, Bispo Dioseze Baukau hakarak fó hatene ba membru Kreda Katólika nian Timor-Leste, durante tempu naruk ida ne’ebé Padre Martinho Germano da Silva Gusmão kuestiona, reflete, rona, reza no deside kona-ba nia vida no nia kna’ar nu’udar Nai Lulik Kreda Katólika nian, ho (consciência limpa no serena), mak nu’udar Bispo Dioseze Baukau nian dekreta suspensaun ministériu saserdotál. (*)

Tempotimor (Dili)-Ameasa husi Corona Virus Deasses 2019 (Covid-19) ne'ebé iha ona matan laran obriga parte igreja Katolika Timor Leste hodi foti desizaun atu hapara atividade misa paskal iha igreja sira iha Timor laran tomak.

Tempotimor (Dili) – Prezidente Episcopal Timor-Leste, Dom Norberto Amarál hatete, Governu ho igreja Katólika Timor-Leste, asina ona  akordu anuál daruak nian ba tinan 5. Governu mós aloka ona orsamentu ho montante Millaun $10 ba Igreja katólika.

"Asina akordu ba dala uluk entretantu VII Governu Instituisionál ho igreja Katólika ne'ebé asina ho orsamentu ho totál Millaun $15. Maibé, iha krize polítika VII Governu la avansa, entaun ita VIII Governu mak avansa fali. Entaun, orsamentu ne'ebé ba igreja Katólika hamutuk millaun $6 la'ós Millaun $15. Tamba ne'e, fó hatene ba sarani sira hotu atu hatene i depois orsamentu ne'e gastu tiha ona," dehan Prezidente Episcopál  Timor-Leste Dom Norberto Amarál iha edifísiu Ministériu Finansas, Aitarak Laran, Segunda (23/09/19).

Prezidente Episcopál ne'e afirma, iha tinan 2019 mak Governu ho igreja halo fali akordu anuál ba daruak nian. "Agora, iha tinan 2019 ne'e mak Governu no igreja Katólika halo fali akordu anuál ida ba daruak ninian. Nune'e, Governu iha disponivél dispoen ba suvensaun ho totál orsamentu millaun  $10ne'ebé ohin asina ona," dehan Dom Norberto.

Parte igreja Katólika, tuir Dom Norberto agradese ba esforsu ne'ebé Governu halo ona, hodi kontribui ba orsamentu ba igreja Katólika iha Timor-Leste.