Tempotimor (Baukau)-Padre Parókia Santo António Manatutu, Alípio Pinto Gusmão, sai Administradór provizóriu ba Apostóliku Dioseze Baukau to’o nomea hikas Bispu foun.

Mske kna’ar ne'e todan, maibé liuhusi konfiansa uma kréda nian ne'ebé iha, nia parte sei hakas-an atu lidera Dioseze Baukau.

"Misaun uma kréda ne'ebé tau ba ha’u-nia liman, ha’u sei hakas-an hala’o liliu oinsá mak Dioseze ne'e nia moris vida Administrasaun kontinua to'o Bispu foun mai", dehan Padre Alípio Pinto Gusmão ba mídia sira iha katedral vila antiga Baukau, kinta (04/11).

Tanba kna’ar ne'e hanesan interiñu atu jere Administrasaun Dioseze Buakau atu kontinua la'o normal nune'e, liuhusi Administradór Apostóliku ne’e hili bazeia ba dekretu Kanónika númeru 421/1 no tuir estatutu Koléjiu Konsultór númeru 7 ne’ebé fó kompeténsia atu Koléjiu ne’e bele konvoka reuniaun no halo eleisaun liiguais votu segredu, tuir prosedura tomak, norma reskrisaun nian ne’ebé prevee iha Lei Kanónika númeru 164 to’o 179. 

Nune’e liuHusi prezide misa ikus ba matebian Dom Basílio Arkebispu fó ona hanoin ba sarani tomak dioseze Baukau nian, atu hamutuk kontinua servisu ne'ebé mak Dom Basílio husik hela ba padre no sarani sira tomak iha Dioseze Baukau. (*)