Login to your account

Username *
Password *
Remember Me

Items filtered by date: Monday, 22 February 2021

Tempotimor (Dili)- Relasiona ho lei númeru Lei númeru 7/2020 kona-ba Medida Prevensaun no Kombate Korrupsaun (MPKK), ne'ebé tama ona iha nia vigór iha loron 26 fulan agostu tinan 2020.

Ho lei númeru 7/2020 ne'ebé tama ona iha vigór, dezafia liután Komisaun Antí Korrupsaun (KAK) atubele utiliza nu'udár instrumentu legál ida hodi bele kombate ho halo prevensaun liután aktu korrupsaun sira ne'ebé mosu iha nasaun TL.

Komisáriu KAK, Sérgio Hornai hatete, bainhira ko'alia kona-ba setór justisa iha TL, iha konetividade husi órgaun polisiál kriminál to'o iha autoridade judisiál sira iha tribunál hotu, tanba ne'e servisu ne'ebé KAK halo, nu'udár servisu ida koletivu, tanba sempre halo artikulasaun hamutuk ho instituisaun estadu nian oinsá mak atu hametin polítika prevensaun ninian nomós hametin polítika kriminalidade korrupsaun iha medida represivu ninian.

Nia dehan, hanesan órgaun polísia kriminál no instituisaun ne'ebé eziste dezde tinan 2010 ba kotuk, no hafoin tinan 10 iha nia perkursu, KAK hanesan instituisaun ida sente iha progresu lubuk ona ida-ne'ebé instituisaun estadu iha, tanba hetan konfiansa husi povu, husi instituisaun estadu nomoos instituisaun internasionál sira, ne'ebé tenta atu buka halo melloramentu ba ho orgullu sira-ne'ebé KAK hetan.

“Sé lei ne'e, tama entrada en-vigor, autoridade kompetente hanesan tribunál supremu nomós KAK atu halo saida, konserteza iha atribuisaun kompeténsia ida-ne'e ba iha Komisaun Antí Korrupsaun nian maka sei buka halo servisu sira hanesan ohin, semináriu ida atubele halo divulgasaun ka sensibilizasaun informasaun kuadru implementadór sira liuliu iha liña ministeriál sira, liuliu iha rekursu umanu nomoos xefe departamentu sira atu halo arolamentu ba iha lista kargu xefia nomoos funsaun ne'ebé sei sujeita ba iha deklarasaun rendimentu beins interese ne'e rasik”, dehan Komisáriu KAK, Sergio Hornai ba jornalista sira hafoin selebra aniversáriu KAK nian inklui deklara ofisialmente deklara lei númeru 7/2020 hodi tama iha vigór, iha Ministériu Finansas (MF), Ai-tarak-Laran, segunda (22/02).

Nia hatete, KAK hakarak reunifika ajente implementadór sira tantu iha kargu polítiku nomois iha kargu sira iha funsionalizmu traballadór estadu nian, mákina estadu nian atu hola parte katak instituisaun korrupsaun pertense mós ba iha sira-nian.

Nune'e mós KAK pertense mós ba iha administrasaun públika estadu TL ninian ho finalidade atu halo melloramentu ba reforsa iha governasaun di'ak, transparánsia nomoos iha akontabilidade perkursu sira ba iha ezekusaun orsamentu nomoos iha desizaun polítika sira-ne'ebé KAK hola labele tau konflitu interese.

Nia konsidera, ho ezistensia ka prezensa lei númeru 7/2020 ne'e, sai hanesan medida sira hodi kombate korrupsaun ne'ebé estadu TL iha liuhusi nia polítika lejizlasaun rasik, haree katak importante duni atu introduz iha TL.

Tanba hahú kedas husi diskusaun sira ne'ebé naruk to'o iha publikasaun iha jornál repúblika, lori durasaun tempu durante loron 180 nia laran atubele tama iha vigór.

“Agora, servisu sira-ne'e tenke pondera, ita tenke kautel, ita tenke halo artikulasaun, iha vizaun, konesimentu nomoos tenke iha planeamentu ida ke di'ak atu nune'e sekuénsia sira-ne'ebé hatuur hela iha lei, bele iha ita ezekuta tuir ninia dalan no labele esklui ema ruma husi ne'ebá, no labele tau kauza ema nia personalidade tanba deklarasaun rendimentus beins interese ne'e konstitui ema ninia personalidade.

Iha fatin hanesan, Ministru Prezidénsia Konsellu Ministru (MPKM), Fidelis Leite Magalhaes, lori naran governu konstitusionál daualu nian parabeniza KAK ne'ebé konvida ona governu hodi partisipa iha aniversáriu KAK nian ho tema “Prezensa ba Lei kona-ba medida prevensaun hodi kombate korrupsaun, nu'udár renovasaun kompromisiu estadu nian hodi prevene no kombate korrupsaun iha TL".

Nia haktuir, iha tinan 2020 kotuk, marka mós aniversáriu KAK nian ba dala-X no governu hetan previleziu no onra ida atu bele partisipa ba dala-rua iha eventu importante rua hodi rekolla input sira ba planu estratéjiku nomoos ba iha lansamentu planu estratéjiku KAK nian rasik.

“Iha altura ne'ebá, parte ami nian sempre foti kestaun ida katak, importante tebes ba governu no ha'u rasik responde ho lalais konvite saida de'it mai husi KAK nu'udár dalan ida atu reafirma vontade polítika governu nian iha ita nia luta hamutuk, luta nasionál kontra korupsaun no ein-partikulár implementasaun ba lei preparativu no implementasaun ba lei ida ne'ebé agora ita iha no implementasaun ba lei sira ne'ebé ita iha altura ne'ebá”, dehan nia. (*)

Published in Justisa
Tuesday, 23 February 2021 00:47

Tersa, PNTL halo Autópsia ba Mate-isin MCS

Tempotimor (Dili)- Komandante Polísia Nasionál Timor-Leste (PNTL), liuhusi ekipa forensic nasional hamutuk ho doutór espesialista sei halo autópsia ba mate-isin MCS nia iha aban (23/02), tuku 09:00 dadeersan iha Hospital Nacional Guido Valadares (HNGV).

Published in Seguransa Defesa

Tempotimor (Dili)- Bankada Frenti Revolusionariu Timor-Leste Independensia (Fretilin) husu governu atu fo apoiu nesessáriu ba labarik feto sira sai vitima ba eis-padre Dasbach nia atetudi ne'ebé prátika abuzu sekxual iha Reziaun Administrativu Espesial Oekusi Ambenu (RAEOA).

Published in Justisa

Tempotimor (Dili)-Haree ba estudante sira ne’ebé Ministériu Edukasaun sena hamutuk iha sala ida liu na’in 50, maka deputadu bankada Fretilin David Ximenes Dias "Mandati" ezije ba Ministériu Edukasaun Juventude no Desportu (MEJD) atu hamosu planu ida hodi estandariza númeru estudante iha aula ida nia laran.

Published in Edukasaun & Kultura

Tempotimor (Dili)-Vise-xefe Bankada Congresso Nacional de Reconstrução de Timorense (CNRT), Deputadu Patrocínio Fernandes, hateten daudaun hein de'it atu Tribunal Rekursu (TR) pronúnsia rezultadu ruma kona-ba sira-nia pedidu fiskalizasaun abstrata ba legalidade orsamentu jeral estadu (OJE) 2021.

Published in Politika

Tempotimor (Covalima)-Ministra Saúde (MS) Odete Maria Freitas Belo halo vizita trabaillu ba Ospital Referál Covalima hodi haree direta prosesu konstrusaun sala izolamentu inklui laboratóriu ba moras Covid-19.

Published in Covalima

Tempotimor (Dili) - Funsionáriu Autoridade Nasional Aviasaun Timor-Leste (ANATL.EP) na'in 12 partisipa treinamentu ne'ebé oferese husi Ajensia Kooperasaun Internasionál Japaun (JICA) kona-bá dezenvolvementu no manutensaun Aeroportu nian, liu-husi online, tanba situasaun Covid-19.

Published in Politika

Tempotimor (Manatutu)- Infrenta problema kona-ba laiha bee-mos iha eskola, nune'e obriga estudante sira iha Eskola Sekundária Públika Kay Rala ho Eskola Tékniku Vokasional (STV) Mauhuno Bucar munisípiu Manatutu, konsekuensia tenke ba kuru bee husi mota.

Published in Manatuto
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks

Online Counter