Print this page

MTKI Autoriza Jogu Bola Gulin ‘Eduka’ Komunidade ho Violénsia

By February 24, 2022 709
Jogu Bola Guli. Jogu Bola Guli. Foto Suplay

Tempotimor (Dili)- Membru Komisaun F ne'ebé trata asuntu Saúde, Seguransa Sosiál no Igualdade Jéneru, Maria Gorumali Bareto konsidera, desizaun Ministériu Turizmu Komérsiu no Indústria (MTKI), Diresaun Inspesaun Jerál ba Jogu (IGJ) ne’ebé autoriza operadór jogu (bola gulin) loke iha fatin públiku, sei eduka komunidade ho violénsia no na’ok.

“Agora tempu eleisaun, ema hothotu foku ba kampaña, la’ós foku fali ba bola gulin ga saida. Loke buat ida ne'ebé mak eduka povu, ida ne'e mak importante, la'ós loke buat ida ne'ebé mak lori povu sai aprende halo violénsia ou aprende na'ok, ema kuandu joga, osan laiha ema bele na'ok, ne'e situasaun real ne'ebé mak ita hasoru”, dehan nia iha Parlamentu Nasionál, kuarta (23/02).

Tanba daudaun ne’e jogu bola guling loke hetan partisipasaun maka’as husi komunidade inklu móslabarik minoridade iha área sede Suku Bairopité, Kulu-hun, Kampu Alor, Vilaverde, Komoro no fatin sira seluk iha munisípiu Dili, inklui mós munisípiu sira seluk ne’ebé hetan autorizasaun.

Deputadu Maria Gorumali Bareto, mós dúvida ho pozisaun Governu hodi buka reseita ba Estadu liuhusi legalizasaun atividade bola gulin iha públiku tanba sei la eduka povu.

“Estadu ida atu buka taxa la'ós liu fali husi estraga mentalidade ema nian, tenke halo bola gulin, futu manu, ne'e programa ida ne'ebé nian mak ne'e, ne'e programa bandalizmu sira-nian, ne'e mak halo programa ida ne'ebé la sukat ba interese povu ninian, e eduka povu ne'e laiha”, hatete nia.

Ba jogu bola gulin ne'ebé kria laiha limitasaun sei fó mós impaktu negativu liliu ba labarik no estudante sira ne'ebé mak inan aman lakon kontrolu, bele afeta sira-nia esperansa atu eskola.

“Ita haree ba área edukasaun, labarik sira ne'ebé mak repetetivu ka la pasa klase ne'e barak la halimar tanba ho kondisaun ne'ebé mak kada ves Governu kria”, dehan nia.

Ho ida ne’e, Governu presiza kria regulamentu ba fatin bola gulin sira atu labele lori risku ba labarik sira-nia futuru. Maibé atividade ne’e di’ak liu taka filafali, atu nune'e bele prevene situasaun hanesan violénsia domestika, nomós labele iha labarik ne'ebé mak abandona nia eskola. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items