“Deskobrementu ne'ebé iha peskiza iha setór edukasaun ne'e hatudu katak, joven ho Difisiénsia maioria partisipa iha edukasaun, maibé iha impedimentu ne'ebé mak hatudu iha ne'ebá ne'e joven ho difisiénsia sira liuhusi edukasaun rekorrente ne'ebé mak iha, sira rekomenda importante mak edukasaun rekorrente tenke avansa ba sekundáriu”, dehan Sezario iha Salaun João Paulo II Comoro, segunda (21/02).
Ba Munisípiu hitu (7) ne'ebé mak ADTL sira halo peskiza mak hanesan, Aileu, Díli, Baukau, Ermera, Bobonaru, Vikeké no Rejiaun Autonoma Espesiál Ambeno Oekussi (RAEOA) ne'e halai liuba Ema ho Difisiénsia sira.
Durante esforsu Ministériu Edukasaun Juventude no Desportu fó ona espasu ba joven ho Difisiénsia sira maibé nia ezame ekivalénsia ne'e to'o de'it iha Ensinu Báziku tanba ida ne'e mak tinan 2022 ne'e sira rekomenda atu avansa ba ensinu Rekorrente sekundária.
“Iha ne'ebá deskobre katak, ensinu Rekorrente liliu iha edukasaun ezame ekivalénsia ensinu Rekorrente apoiu tebes ema ho Difisiénsia ita-nia problema to'o de'it iha nível báziku”, afirma nia.
Diretór Jerál husi Sekretáriu Estadu Juventude no Desportu (SEJD), David Tomas de Deus hatete, joven hothotu tenke iha oin labele tau ema ida iha kotuk.
‘Deskobrementu ne'e atu halo peskiza ba saida mak joven ho Difisiénsia sira iha, sira-nia problema ne'e iha ne'ebé?. Entaun liuhusi peskiza ida ne'e ita bele hatene katak nesesidade ba joven ho Difisiénsia sira presiza mak iha ne'e”, afirma nia.
Tanba SEJD iha nia polítika rasik ba dezenvolvimentu Juventude ne'e iha Timor-Leste inklui mós fó apoiu ba Ema ho Difisiénsia (EhD) sira.
“Atu dehan de’it katak ida ne'e bazeia ba mandatu, buat ne'e mak ko’alia iha konstituisauk RDTL e mós mandatu ne'ebé mak fó husi polítika nasionál Juventude nian iha nia grupu tarjetu ida mak ema ho difisiénsia”, hatete nia.
Atividade Peskiza ne'e hala'o iha Munisípiu hitu iha fulan-outubro tinan 2021, ne'ebé hetan apoiu husi Sekretária Estadu Juventude no Desportu (SEJD) ho osan montante rihun-lima (5.000) dolar amerikanu. (*)