Print this page

Livru Manual Sai Preukupasaun ba EBC Vila Nova Baukau

By February 01, 2022 447
Diretór Eskola EBC vila nova Baukau, Paulino S. Freitas hatudu hela livru manual estudante, tersa (01/02). Diretór Eskola EBC vila nova Baukau, Paulino S. Freitas hatudu hela livru manual estudante, tersa (01/02). Foto Tomas Freitas

Tempotimor (Baukau)-Livru manual Ingles, Istória no Jeografia kontinua sai preukupasaun ba estudante sira iha Eskola Ensiñu Báziku Sentral (EBC) vila nova Baukau.

Diretór Eskola, Paulino S. Freitas hatete, durante fahe livru ba estudante sira hodi estuda iha sala laran hafoin entrega fali, maibé laiha planu atu fahe livru ba estudante sira estuda iha uma.

"Livru iha mais limitadu loos, ba profesores iha, ba estudante iha para sira troka malu, maibé durante ne'e, disipliña ida rua hanesan ingles, istória jeografia ba nonu ano nian, maibé kuaze ne'e iha para sira bele uza," dehan Paulino iha kna'ar fatin vila nova, tersa (01/02).

Preukupasaun ne’e, sempre relata liuhusi reuniaun edukasaun Munisípal, maibé seidauk iha rezultadu, nune’e fó impaktu ba estudante sira iha prosesu aprendijasem, maibé hanesan profesores nafatin buka maneira liuhusi halo rezumu hodi hafasil estudante sira.

"La sufisiente ba sira, atu estudante sira hetan hotu atu ka'er iha tinan ida tomak ne'e mak susar,"nia hatete

Tanba ne’e, Ministéiru Edukasaun Juventude no Despostu (MEJD) tenke haree hodi fasilita estudante sira nia estudu iha tempu emerjénsia.

Ekuantu totál estudante ba tinan 2022 iha EBC vila nova Baukau hamutuk 941. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com