Login to your account

Username *
Password *
Remember Me

SEJD Apoiu US$28,500 ba Desportiva Nivél Eskolar iha Baukau

Estudante husi Eskola Ensiñu Sekundária Jerál Baguia ne’ebé realiza hela jogu voleibol iha kampu Suku Larisula, tersa (01/02). Estudante husi Eskola Ensiñu Sekundária Jerál Baguia ne’ebé realiza hela jogu voleibol iha kampu Suku Larisula, tersa (01/02). Foto Tomas Freitas

Tempotimor (Baukau)-Sekretáriu Estadu Juventude no Despostu (SEJD) liuhusi Prezidente Autoridade Munisípiu Baukau, apoiu orsamentu rihun US$28.500 ba desportiva nivél escolar.

Diretór Servisu Edukasaun Munisípiu Baukau, Augusto Ornai Ximenes, hatete, apoiu ne’e, atu kuda fini desportivu nian, nune'e ba futuru fasilita federasaun desportivu sira la prezisa halo selesaun, maibé liuhusi jogu refere bele hetan identifika jogadór.

"Ba tinan ida ne'e, Baukau hetan apoiu orsamentu US$28,500 atu finansia ba atividade desportu ne'e, maske orsamentu ne'e boot, ita ezekuta minimu mais koko para hala'o altividade ruma ne'ebé bele motiva jogadór ba futuru," dehan Augusto iha kna'ar fatin, tersa (01/02).

Modalidade desportiva ne'ebé sei realiza ba eskola nivél ensiñu sekundáriu jerál no eskola tekníku vokasionál mak, voleibol feto-mane, futebol-11 no atletismu, maibé husi modalidade altetismu sei realiza iha loron 09 fulan-fevreiru tinan-2022, tanba sei prepara estudante sira.

Enkuantu modalidade voleibol no futebol lansa ona iha loron 28 fulan-janeiru tinan 2022.

"Jogu ida ne'e la'os liga, entaun Sekretáriu Estadu liuhusi nia mata dalan ne'ebé fó mai la'os premiu mak importante, maibé oinsá hadi'a kualidade haree fini, entaun fó de'it premiu ba primeiru no segundu lugar," nia afirma

Diretór Ensiñu Sekundária Jerál Nu.01 Tirilolo Baukau, Paulo Dias Menezes, sente kontente ho planu SEJD ne'ebé apoiu fundus hodi realiza eventu desportivu iha nivél eskolar.

"Jogu sira ne'e mós ita bele hatene, estudante sira nia talentu Governu no Munisípiu bele tau atensaun ba sira bele kontinua sira nia talentu iha mundu desportu," nia informa

Entertantu, eskola ne’eb’e atu partisipa iha eventu ne’e, kompostu eskola 20 husi postu Administrativu Baukau Vila, Vemase, Laga, Venilale, Kelikai no Baguia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter