"Ohin ami selebra Tinan Foun komunidade Xina nian, ne'ebé tinan kotuk ne'e ami selebra tinan hanesan balada Karau nia, maibé nia remata tiha ona hodi kalan, agora ami tama fali ba tinan balada Tiger nian”, dehan Prezidente Asosiasaun Komunidade Xineza iha Timor-Leste, Kathleen Gonaalves, ba jornalista sira iha Xina Maromak Bairru Formoza, tersa (01/02).
Tinan foun iha tinan 2021 Komunidade sira selebra loron karau maibé iha tinan 2021 iha loron tinan foun (01/02) sira selebra tinan foun ho modelu Tigre.
"Ohin ami selebra Tinan Foun komunidade Xina nian, ne'ebé tinan kotuk ne'e ami selebra tinan hanesan balada Karau nia, maibé nia remata tiha ona hodi kalan, agora ami tama fali ba tinan balada Tiger nian”, dehan nia.
Modelu Tigre ne'e di'ak maibé la'ós ba rai maran nian maibé ba bee nian tanba ida ne'e mak Komunidade Xineza tenke servisu maka'as hodi hasoru situasaun sira.
“Animal ida Tiger ne'e siak maibé nia mós animal ida ne'ebé mak forte, ho ida ne'e nia husu ba komunidade Xineza iha Timor-Leste tenke forsa hanesan animal Tiger ne'ebé mak ohin selebra iha Tinan Foun ne'e”, hatete nia.
Iha festeza aniversáriu Xineza ne'e komunidade sira hatudu sira-nia Dragon Dance iha Xina Maromak nia oin hanesan oferta ida.
"Ne'ebé ohin ita-nia Dragon Dance mai sambaya iha Xina Maromak no sira sai ona ba ita-nia loja emprezáriu Xineza sira-nia fatin ba ne'ebá atu dudu sai hotu sorte ne'ebé mak ladi'ak no foer sira ne'ebé iha atu haree fali tinan foun no lori sorte foun ba negósiu no família hothotu”, haktenik nia.
Iha loron 31 Janeiru 2022 kalan hanensan Katólika nia karik 31 Dezembru, ne'ebé halibur malu hán hemu no festeza hamutuk hodi selebra tinan foun.
Alende ne'e mós hato'o agradese ba Primeiru Ministru (PM), Taur Matan Ruak, tanba konsidera ona loron Xina nia bá toleránsia pontu.
"Ami Kontente tebetebes liliu ba ita-nia nai Primeiru Ministru fó atensaun lubuk ida importánsia ida ne'e la'ós fó ferias nasionál maibé toleránsia pontu ami Kontente tebetebes”, hatutan nia.
Ho ida ne’e, apela ba Komunidade Xineza sira iha Timor-Leste atu servisu hamutuk iha uniaun fraternidade atu hametin liu amizade iha Timor-Leste.
Tuir observasaun ne'ebé www.twmpotimor.com asesu iha loron nasionál ba Komunidade Xineza ne'e, komunidade ida-idak mai hasa'e sira-nia orasaun ba sira-nia maromak iha fatin Xina Maromak. (*)
