PNTL Hahú Koloka OPS iha Eskola Sekundária Balun“Tanba iha loron rua liuba, wainhira estudante sira simu rezultadu finál iha idak-idak nia eskola, mosu akontisementu oioin, nune'e ita koloka ona ofisiál Polísia iha eskola sira hodi garante seguransa iha prosesu aprendejazen”, dehan Superentedente Xefe Armando iha Komandu Jerál, Kaikoli, segunda (24/01).
PNTL nafatin la'o hela ba eskola hotu iha teritóriu Timor tomak, hodi ko'alia kona-ba kultura seguru vida.
Nune'e Eskola rasik mós kria ona sistema seguransa ida hodi kontrola ba prosesu aprendiziajen, atu nune'e responsável ba estudante sira.
Tanba Governu halo ona rezolusaun númeru (4/2020) ne'ebé mak fó oportunidade ba Grupu Arte Marsiál (GAM) tolu, ne'ebé rezuluzaun númeru (16/13) estinsaun organizaun Arte Marsiál ida ne'e hodi halo konsolidasaun.
"Entaun tenke iha fatin ne'ebé mak propriu hodi halo prátika, la'ás ba fali fatin ne'ebé ema hodi hala'o prosesu aprendijiazen, atu prejudika filafali kredibilidade diginidade ba fatin ne'ebé ema atu aprende", dehan nia.
Tanba ne'e, PNTL kordena ho Eskola sira hodi kria sistema seguransa nomós koloka Ofisiál Polísia Komunitária (OPS) atubele haree ba ida ne'e, maibé iha eskola balun seidauk koloka OPS, tanba rekursu umanu la sufisiente.
Aliende ne'e nafatin informa ba komunidade sira ne'ebé mak haree estudante sira uza atributu GAM hodi halo konvoi ne'e persiza nafatin iha keixa ba Komandu Jerál PNTL.
Antes ne’e, Komandu PNTL munisípiu Dili kaptura estudante hamutuk na’in-55 ne'ebé uza atributu GAM hodi ba simu rezultadu ezame fináll. (*)