"Ba primeiru anu, ami simu ona orientasaun kada sala de aula hakarak ga lakohi masimu ne'e 45 estudante labele liu, ne'e orientasaun husi nasionál edukasaun, tanba ita liu ida ne'e, ita hala'o prosesu aprendisajen nia eleva la duun di'ak,” dehan Diretór Ensiñu Sekundária Jerál Nu.01 Tirilolo Baukau, Paulo Dias Menezes ba www.tempotimor.com, sabadu (22/01).
Tanba, akontese ona iha tinan 2021 ba kotuk, sala balun estudante to’o 60, nune’e, husi nasionál orienta ona sala-ida tau 45 estudante, labele liu.
Nune'e mós, bainhira akumula barak iha sala-ida, estudante sira lakohi eskola ona iha Eskola Ensiñu Sekundáriu ne'ebé MEJD estabelese ona kada Postu Administrativu.
"Eskola Sekundária sira ne'ebé loke iha Postu Administrativu ne'e, sira inan aman mak husu loke iha ne'eba, loke tiha eskola iha ne'eba sira la eskola fali iha ne'eba," nia afirma
Tanba ne'e, husu ba estudante finalista sira husi eskola ensiñu báziku terseiru siklu iha postu Administrativu sira kontinua de'it estudu iha banku ensiñu sekundária ne'ebé estabelese ona iha kada postu.
Enkuatu sala ba estudante primeiru anu sira iha Eskola Ensiñu Sekundária Jerál (ESG-silga portugues) Nu.01 Tirilolo Baukau pur-volta 10-resin, nune’e, tuir planu sei simu estudante foun pur-volta 400-resin. (*)
