Print this page

Finalista ESG Nu.01 Tirilolo Pinta Roúpa Sei Simu Rejultadu iha PNTL

By January 22, 2022 3288
Estudante ne’ebé simu hela emvolope rejultadu ezame nasionál, sabadu (22/01). Estudante ne’ebé simu hela emvolope rejultadu ezame nasionál, sabadu (22/01). Foto Tomas Freitas

Tempotimor (Baukau)-Diretór Eskola Ensiñu Sekundária Jerál (ESG-silga portugues) Nu.01 Tirilolo Baukau, Paulo Dias Menezes hatete, estudante ne’ebé pinta simbolu arte-marsiais iha roúpa, sei la fó ninia emvolope ka rejultadu ezame nasionál no sei haruka ba simu iha Polisia Nasionál Timor-Leste (PNTL) Baukau.

Tanba, eskola bandu estudante atu pinta simbolu arte-marsiais nian iha roúpa eskola.

"Seguránsa ohin metin sira la pinta farda iha ne'e (areadores eskola), sira pinta mak seguránsa ohin hetan la fó sira nia emvolope, tenke lori fali ba Polísia mak sira (estudante) ba foti iha ne'eba, maibé estudante balun inan aman mak mai simu, balun sira mak mai simu rasik, maibé la pinta farda eskola nian, tanba Polísia iha,"dehan nia ba www.tempotimor.com, sabadu (22/01).

Estudante balun pinta kolega nia naran iha sira nia roúpa eskola nian, maibé la’os simbolu arte-marsial nian, tanba seguránsa haleu areadores eskola.

"Iha eskola ita bandu, se pinta farda sira la simu emvolope,"nia afirma

Totál estudante husi eskola ensiñu Sekundária Jerál Nu.01 Tirilolo Baukau ne'ebé partisipa iha ezame nasionál hamutuk na'in-598 pasa ho 100 pursentu, enkuatu iha aujénte na'in-5 (latuir ezame). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items