Login to your account

Username *
Password *
Remember Me

Governu Rekoiñese Problema Profesór Komplikadu

Ministru Asuntu Parlamentár no Komunikasun Sosiál (MAPKomS), Francisco Martins Jerónimo. Ministru Asuntu Parlamentár no Komunikasun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasun Sosiál (MAPKomS), Francisco Martins Jerónimo hatete, Governu rekoiñese problema pofesór hanesan problema ida ne'ebe komplikadu husi Governu anterior to'o agora seidauk rezolve.

"Agora atu hatete de'it ba deputadu sira katak, problema profesór, loos duni, problema ida komplikadu teb-tebes, ne'e la'ós problema ida foin mak mosu oras ne'e, e ne'e desde kedas governasaun sira ida la'o tiha ba kotuk mós problema ne'e labele, lakotu nafatin", dehan nia iha plenária PN, tersa (18/01).

Tanba Governu haree katak profesór sira ne'e tutela ba rejime espesiál, no la'ós rejime jerál hanesan funsionáriu públiku babain.

Iha ne'e, rejime espesiál ba profesór sira ne'e sei bazeia ba grau profesór ausiliár, no profesór profesionál.

Tuir loloos regra sira ne'e presiza implementa maibé to'o agora seidauk iha implementasaun ruma.

"Tanba sei iha difikuldade balun ne'ebé mak presiza diskute di’ak liután entre Ministériu ho Funsaun Públika", afirma nia.

Maibé kestaun kona-ba substituisaun DiretórEedukasaun iha nível munisipál, to'o agora Governu seidauk iha rekrutamentu ida méritu ne'ebé mak permanente, tinan naruk, depende lei permite.

"Agora ne'e buat ne'ebé akontese ne'e mak substituisaun ba kargu xefia iha nível munisipál, e kompeténsia ne'e la'ós Ministériu Edukasaun ninian, maibé kompeténsia ne'e administradór Munisípiu, ou prezidente autoridade munisipál sira mak iha kompeténsia ida ne'e, atu halo substutuisaun ba ninia kargu xefia sira iha nível munisipál sira", afirma nia.

Tanba kestaun substiruisaun ne'e mós sei haree bazeia ba prosesu legál sira katak, se funsionáriu públiku ida asume kargu xefia ida mak nia avaliasaun dezempeñu ladun di’ak, nia hakarak substitui ne'e kompeténsia administradór sira-nian atu halo substituisaun, no sira-nia substituisaun ne'e la'ós interinu, maibé sira iha poder tomak atu foti desizaun.

"Tanba sira mós aprezenta substituisaun sira ne'e mai iha funsaun públika, e funsaun públika emiti desizaun notifikasaun katak sira mak substitui ona Diretór ne'ebé mak anterior", dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter