Login to your account

Username *
Password *
Remember Me

MESSK 'Lakohi' Simu Rai Gratuita ba Hari’i Sidade Universitáriu Aileu

Koordenadór Nasionál Rede ba Rai, Pedro Viera. Koordenadór Nasionál Rede ba Rai, Pedro Viera. Foto Tempo Timor

Tempotimor (Dili)-Koordenadór Nasionál Rede ba Rai, Pedro Viera hatete, Ministériu Ensinu Superiór, Siénsia no Kultura (MESSK) lakohi simu rai gatuita hamutuk ektare 66 ne'ebé oferese husi komunidade Aileu hodi hari’i Sidade Universitariu Aileu (SUA).

"Komunidade sira hakarak oferese rai iha masadu 66 ektare ne'ebé mak luan tebes, ida ne'e komunidade sira hakarak oferese de'it, laiha ganti rugi. Maibé Governu liliu MESSK la konkorda atu hari’i konstrusaun iha ne'ebá, tanba razaun dehan katak ita sei gasta osan barak liu", dehan nia iha Parlamentu Nasionál (PN), kuarta (12/01).

Ba situasaun ne'e, Rede ba Rai ho na’in ba rai, hasoru ho Komisaun A trata asuntu justisa no Konstituisional iha PN hodi informa ba deputadu sira, maibé parte husi deputadu sira mós hakfodak oituan, tanba rai ektare 66 ne'e luan.

Razaun komunidade hodi oferese rai ne'e tanba komunidade sira hakarak dezenvolvimentu iha Aileu tenke hala'o, maibé Governu mós presiza respeita rai ne'ebé komunidade sira bandu.

"Maibé Governu liliu MESSK la konkorda atu hari’i konstrusaun iha ne'ebá, tanba razaun dehan katak ita sei gasta osan barak liu. Entaun problema ida ne'e, komunidade sira mantein nafatin atu defende sira-nia diretu propriedade rai rasa nian, e ami mós akompaña katak Governu mós hakarak obriga sira-nia planu atu hari’i sidade universidade iha rai Mantane duni”, dehan nia.

Maske, iha loron 22 fulan-dezembru 2021, Governu halo ona lansamentu primeira pedra iha rai mantane ba Sidade Universidade Aileu nian, maibé parte komunidade nafatin defende la fó rai ba Governu.

"Iha situasaun ne'ebé mak extreme oituan, rai na’in sira Governu la fó oportunidade nomós iha seguransa ne'ebé mak forte loos iha momentu ne'ebá wainhira halo lansamentu, polísia halo postu ualu para komunidade afetadu labele partisipa iha serimónia lansamentu pimeira pedra nian", hatete nia.

Ho situasaun ne'e deputadu sira mós promete sei bolu MESSK no Primeiru Ministru (PM) atu buka solusaun polítika di'ak ida ba preokupasaun kona-ba kazu Aileu nian.

"Deputadu sira mós promete katak, la kleur sira sei diretamente ba vizita komunidade sira iha Aileu, liga ba rai ne'e, para sira atu fiskaliza asuntu ida ne'e”, hatutan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter