Print this page

Komemora Loron Erói Nasionál, PM Taur Fó Omenajen ba Erói 

By December 31, 2021 620
Komemorasaun loron erói nasionál 31 dezembru: Komemorasaun loron erói nasionál 31 dezembru: Foto Suplay

Tempotimor (Díli)-Primeiru Ministru (PM), Taur Matan Ruak, hato'o omenajen erói sira iha selebrasaun loron erói nasionál ba dala-43.

"Hakrúk hodi hato'o omenajen ba Loron Erói Nasionál ba dala 43, koinsidénsia ho Erói Boot Prezidente Nicolau Lobato nia mate iha batalla laran hodi defende soberania RDTL, no omenajen mós ba erói sira hotu ne'ebé fó an ona ba mate hodi sosa libertasaun nasionál”, dehan PM Taur liuhusi komunikadu ne'ebé www.tempotimor.com asesu sesta (30/12).

Haree ba erói sira oferese nia-an ba rai to'o sira-nia vida ba Timór nia ukun rasik-an. Tanba ne'e, jerasaun foun sira, iha obrigasaun atu kontinua lori nasaun ida ne'e ba oin, no banati espiritu luta nai'in sira-nian.

"Sira mate hodi husik ita moris. Sira mate hodi husik nasaun ida ba ita: Ita ne'ebé moris iha obrigasaun mai ita hamutuk lori ita-nia Nasaun ba oin tuir espíritu luta nian, liberta patria no liberta povu”, hatete nia.

Tanba iha moto Líder luta nain sira hatete ona katak bala musan ikus liu mak ha'u nia vitória.

"Gloria ba ita-nia erói sira. Paz a sua Alma. 31 Dezembru 1978-31 Dezembru 2021 "A Ultima Bala E a Minha Vitoria" (Bala musan ikus liu mak ha'u-nia vitoria”, hatutan nia. (*)

 

Rate this item
(0 votes)
Last modified on Friday, 31 December 2021 14:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items