Login to your account

Username *
Password *
Remember Me

Mestri Na'in-248 iha INFORDEPE Simu Ona Judisium

Mestri sira ne’ebé simu hela simbolu judisium iha Baukau, kuarta (29/12). Mestri sira ne’ebé simu hela simbolu judisium iha Baukau, kuarta (29/12). Foto Tomas Freitas

Tempotimor (Baukau)-Mestri husi ensiñu báziku iha Munisípiu Baukau hamutuk na'in-248 ne'ebé durante tuir formasaun ba diploma baixarelatu iha Instituisaun Nasionál Formasaun Dosentes Edukasaun Timor-Leste (INFORDEPE) simu ona judisium.

Prezidente Konsellu Diritiva, Ana Cristina de Jesus S. Martins hatete, loron 29 fulan-dezembru tinan 2021 espesial ba Fakuldade Edukasaun Artes i Umanidade liuhusi INFORDEPE ne'ebé durante fasilita ona formadu no formada sira atu termina nia estudu ba diploma baixarelatu.

"Seremonia judisium hanesan seremonia ida ne'eb akontese dala ida de'it vida akademika universidade bainhira estudante ida hahú nia estudu iha tinan naruk nia laran ikus mai konklui kumpri kriteira no ezijensia akademika ne'ebé estabelese tiha ona," dehan Ana Cristina, kuarta (29/12).

Tanba ne'e, estudante-ida iha direitu atu simu atribuisaun ba titulu akademiku baixarelatu husi Fakuldade Edukasaun Arte Umanidade (FEAU) iha Univesidade Nasionál Timor-Lorosa'e (UNTL) liuhusi despaixu dekana.

Fakuldade FEAU ne’e, úniku tanba hetan konfiansa husi Ministériu Edukasaun Juventude no Desportu (MEJD) liuhusi INFORDEPE hodi realiza kooperasaun iha tinan 2018 hodi fó formasaun ba mestri kontratadu sira iha teritóriu nasioál hodi hariku siensia.

"Ne'e hatudu pasu pozitivu no hanoin di'ak husi MEJD hamutuk ho INFORDEPE hodi hala'o kooperasaun atu hanoin profesores kontratadu nia futuru oin mai," Ana akresenta.

Formasaun refere atu hadi’a mestri sira nia kualidade hahú husi ensiñu báziku to'o sekundária, nune'e bele prepara no produs jerasaun foun-ida forte no kualidade.

Tinan 2021, FEAU produs ona estudantes finalista hamutuk na'in-3.011 graduandu kompostu husi estudante regular na'in-41, graduandu husi online iha fulan-maiu tinan-2021 hamutuk nain-191, fulan-setembru ho dezembru tinan 2021 hamutuk na'in-610.

Enkuantu estudante extensaun ba grau baixarelatu husi departementu formasaun profesores hamutuk na'in-2.575 husi Munísipiu-2 Ainaru no Manufahi hamutuk na'in-481 ne'ebé hala’o judisium iha loron 8 fulan-dezembru tinan 2021.

Munisípiu likisa na'in-108, Baukau na'in-248, Vikeke na'in-102, Aileu na'in-69 no Manatuto na'in-77, nune’e judisiáriu hamutuk 594.

Munisípiu-6 seluk hamutuk na'in-1.500 judisiáriu ne'e sei hala'o judisium iha fulan-janeiru tinan 2022 kompostu husi Munisípiu Kovalima na'in-181, Bobonaru na'in-429, Ermera na'in-375, Lautém na'in-89, Dili na'in-244 inklui RAEOA na'in-182.

Enkuantu FEAU-UNTL rasik rejista hahú husi tinan 2003 to'o tinan 2021 konsege produs ona graduandu hamutuk na'in-8.839.

Nune'e, Ministéiru Edukasaun Juventude no Despostu, Armindo Maia hatete, vida profesores iha obrigasaun atu kontinua estuda nafatin bainhira hanorin estudante sira iha eskola.

"La'os ita hetan ona grau baixaretu prontu deskansa ona, hanesan profesores loron-loron tenke estuda, nafatin buka informasaun foun husi internet bele aumenta nafatin ita nia kuiñesementu," dehan Armindo

Tanba ne'e, MEJD kontinua enkoraja judisiáriu sira atu nafatin buka dalan aumenta kuiñesementu iha lingua, Portugues, Ingles, Fizika inklui Matematika, tanba manorin na'in mak sai xave ba edukasaun.

"Profesores labele hatun o nia dignidade, maibé tenke iha mental, porque ita mak hatun ita nia dignidade iha alunus sira nia oin, ita lahatene edukasaun atu sai ba ne'ebé," nia akresenta

MEDJ agradese ba UNTL ho nia Fakuldade Edukasaun Artes i Umanidade (FEAH-sigla portugues) liuhusi INFORDEPE ne’ebé bele fó rejultadu di'ak ba profesores na'in-248 iha Baukau ne'ebé durante tuir formasaun ba diploma baixarelatu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter