"Edukasaun sai hanesan pasaporte ba futuru ema ida-idak nian, wainhira ema ne'e rasik prepara nia aan liuhusi edukasaun ensiñu superiór no mós ba oan foin sa’e sira, tanba ita boot sira sai professór ou profesóra atu eduka ema no prepara jerasaun nasaun ida ne'e nian," dehan padre Agnelo Moreira SDB, Tersa (28/12).

Tanba ne'e, jerasaun sira ohin loron iha meius atu muda mundu no sai responsablidade ba estudu.

Maibé, futuru jerasaun nasaun Timor-Leste nian atu la'o di'ak, responsablidade barak liu husi manorin na'in sira, tanba responsabel liu husi preparasaun iha banku ensiñu pre-primaria to'o iha akademiku.

Tanba ne'e, kontinua enkoraja manorin na'in sira atu lori matenek ne'ebé hetan iha banku akademiku hodi fahe tutan no prepara fali jerasaun foun sira hahú husi ensiñu báziku to'o nivél superiór.

“Ha'u husu ba ita boot sira ne'ebé durante tempu barak estudu iha nivél universitáriu atu kontinua ka'er metin matenek ne'ebé hetan husi dosente sira atu hatutan fali ba ita nia jerasaun rai ida ne'e nian, tanba jerasaun sira atu perparadu iha tempu oin mai so ita boot sira manorin nain sira prepara kedas ita nia oan sira hahú husi ensiñu báziku, nune'e wainhira hakat ba ensiñu sekundáriu no ensiñu superiór sira bele hamrik mesak," nia hatete

Misa agradesimentu ne'e, hetan partisipa masimu husi estudante Univesidade Nasionál Timor-Leste (UNTL) infordepe Baukau hamutuk na'in-249 inklui família no dosente.

Formandu hirak ne’e, nu'udar profesór husi eskola ensiñu báziku ne'ebé hetan oportunidade hala'o estudu hodi diploma baixarelatu iha UNTL, Infordepe Baukau durante tinan tolu hahú tinan 2018 to’o 2021. (*)