Koordenador Eskola Ensiñu Báziku Filial (EBF) Bukoli, Leonardo Martinho Lopez informa, husi akontese ne'e laiha sasán ida mak salva, tanba iha tempu kalan.

"Eskola EBF Bukoli estraga edifísiu-2 kompostu husu sala-7 ho koziña eskola nian anin sobu hotu kedas nunka ida hela, kalen lori sai hotu hela baki de'it mak hela”, esplika Leonardo  ba www.tempotimor.com, iha Baukau, kuarta (22/12).

Bainhira anin boot ne'e mosu hodi sobu kalen ne'ebé mak taka iha uma leten, no udan konsege estraga ekipamentu hanesan livru estudante nian, no ékipamentu profesór sira-nian armariu, meza no kadeira.

Tanba ne'e parte eskola sei esforsu hodi halo relatóriu kona-ba akontesimentu ne’e ba Diretór Edukasaun Munisípiu Baukau no haruka ba nasionál hodi bele hadi’a hikas nune'e prosesu Aprendizajen iha tinan 2022 bele la'o normál. (*)