Ministru Turizmu Komérsiu no Indústria, José Lucas do Carmo da Silva, hato'o apresiasaun tebes tanba komunidade sira ne’ebé rejeita simu distribuisaun husi inísiu, iha loron 18 fulan-dezembru sira konsege simu ona.
"Ne’e tanba programa ne’e povu hotu nian no sidadaun hotu iha direitu ba programa ne’e. Husu ba komunidade sira atu simu distribuisaun ne’e ho didi’ak tanba ida-ne'e ba da-ikus ona iha tinan 2021 nian”, dehan nia hafoin hala'o distribuisaun sesta bázika ba komunidade iha Suku Kasa, sábadu (18/12).
Ho Programa distribuisaun ne’ebé hala'o iha suku Kasa, ida ne'e ba dala-ikus nian, husi Ministeriu Turizmu no Komersiu Industria.
Xefe Suku Casa, Longuinhos de Araújo hatete, kestaun sesta bázika ida ne'e, fulan hirak liuba, komunidade sira la konsege simu tanba sira la satisfás ho folin sasán ne’ebé mak oferese husi kompaña ne’ebé sai responsável ba sesta bázika.
Enkuantu, totál benefisiáriu ne’ebé hetan distribuisaun sesta bázika ne'e, hamutuk atushitu-neennulu-resin-neen (766), husi uma-kain atusida-neenulu-resin-sia (169). (*)