Print this page

MESSK Hakarak Hadi’a Kualidade Ensinu Superiór Sira

By December 18, 2021 418
Ministru Ensinu Superior Siénsia no Kultura (MESSK), Longuinhos dos Santos. Ministru Ensinu Superior Siénsia no Kultura (MESSK), Longuinhos dos Santos. Foto Suplay

Tempotimor (Díli)-Ministru Ensinu Superior Siénsia no Kultura (MESSK), Longuinhos dos Santos hatete, iha interese hakarak hadi’a kualidade sistema ensinu superior sira iha Timor-Leste.

"Salienta tan katak, Konsellu Ministrus mós aprova tiha ona Polítika Nasionál Ensinu Superiór nian, ne'ebé mai ho ninia objetivu atu fó resposta ba nesesidade sira, hodi hadi'ak kualidade sistema ensinu superior nian”; dehan Ministru Longuinhos iha salaun Ian Martin INFORDEPE Balide, sesta (17/12).

Antes Ministériu Ensinu Superiór, Siénsia no Kultura, lori ona Kurikulu Padraun Nasionál ba aprezenta no hetan aprovasaun iha Konsellu Ministru.

Nune'e Governu hakarak instituisaun no Estadu hamutuk ho inan aman sira iha koordenasaun ne'ebé di'ak no iha planu estratéjiku sira.

"Ita hakarak atu Estadu, instituisaun ensinu superiór sira, estudante sira no sira-nia família servisu-hamutuk ho forma koordenada, planeada no estratéjika”, afirma nia.

Tanba dadaun ne’e, estudante sira universidade iha Timor laran tomak hamutuk rihun-65 (neennulu resin-lima) iha ensinu superiór, iha instituisaun hamutuk 18 ne’ebé kompostu husi ensinu superiór públika no privada nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items