"Dadus ne'ebé mak eskola sira tuir ezame nasionál iha territóriu Timór laran tomak, husi ensinu báziku 31.143 ensinu sekundaria jerál 22.223, ensinu sekundária tékniku vokasionál 4.458 totál 58.224. Nune'e iha Munisípiu Dili estudante sira hamutuk, 16. 752 nune'e iha ensinu Baziku Faról, hamutuk 542 estudante mak tuir ezame nasionál”, dehan MEJD, Armindo Maia ba Jornalista sira iha Ensinu Bázika Centrál Faról, segunda (13/12).
Maibé husu ba estudante sira atu tuir ezame ho seriedade no onestidade no responsabilidade tanba ezame finál mak determina pasajen ba estudante sira.
Diretór Servisu Edukasaun Dili (DSED), Carlito da Silva hatete, estudante sira tuir ezame nasionál iha kada tinan ne'ebé sempre akontese hodi deside estudante finalista sira halo pasajen ba klase.
"Ha'u sente buat hothotu di'ak, ne'e baibain tiha ona, loos ka lae?. Maibé ohin ne buka tuir saida mak atu akontese, ita buka primeiru ba aban, ita la espera katak horiseik ne'e udan ne'e natureza ida kee ita hotu la espera no ha'u hakarak mensajen ba estudante sira iha Dili laran hotu eskola ida ke boot barak iha Dili, tanba ne’e ha'u-nia mesajrn asegura didi’ak disiplina ne'e tenke mai husi estudante ne'e rasik kuidadu didi’ak, tanba futuru ne'e iha ninia liman rasik”, afirma nia. (*)