"Sim Governu sei nafatin fó apoiu, tanba orsamentu pasa ona iha Parlamentu Nasionál e ba programa tinan oin mai sei kontinua nafatin ho formasaun sira ne'e tanba formasaun sira ne'e fó duni rezultadu ne'ebé di'ak husi ema sira ne'ebé ita forma, nune'e ita sei nafatin fo apoiu”, deklara Ministru Francisco Jerónimo, bainhira atribui sertifikadu ba formandu sira husi Ceftec iha Delta Nova, sesta (10/12).
Orsamentu ne'ebé sei fó apoiu ba formasaun sira ne'e kuaze millaun 1 hanesan ne'e tanba Governu Portugál no Timor-Leste tau hamutuk.
"Hanesan Governu atu haburas demokrasia, haburas saida mak Governu hakarak iha área komunikasaun Sosiál, ne'ebé iha ne'ebá ko'alia katak liberdade espresaun liberdade imprensa, ho ida ne'e sai xave katak hothotu iha liberdade maibé tenke iha nia responsabilidede”, dehan nia.
Nune'e husu ba formandu sira katak tenke iha responsabilidade ba liberdade hotu ne'ebé sidadaun sira asesu ba. (*)