Login to your account

Username *
Password *
Remember Me

Eskola iha Autonomia Deside Pasajen Klase ba Estudante sira

Diretór Servisu Edukasaun Munisípal Baukau, Augusto Ornai Ximenes. Diretór Servisu Edukasaun Munisípal Baukau, Augusto Ornai Ximenes. Foto Suplay

Tempotimor (Baukau)-Diretór Servisu Edukasaun Munisípal Baukau, Augusto Ornai Ximenes hatete, prosesu aprendizajen iha Munisípiu Baukau hetan impaktu boot husi pamdemia covid-19, tanba ne'e pasazen klase ba estudante sira iha Munisípiu Baukau, eskola ida-ida iha nia Autonomia hodi deside tuir kondisaun eskola.

"Iha iha transmisaun pamdemia covid-19 durante tinan-2021 tomak, Baukau hetan suspende atividade prosesu aprendizajen prezensial, kuaze fulan-5 depois Ministériu reativa eskola iha hala'o filafali prosesu aprendizajen prezensial inklui mós fó avaliasaun, entaun eskola iha nian autonomia atu deside situsaun no kondisaun”, dehan Augusto ba www.tempotimor.com, iha nia kn’ar fatin Baukau, kinta (09/12).

Tanba profesór sira mak besik liu no akompaña estudante sira kada loron nune'e atu fó pasa estudante ka pasajen klase ho sem pursentu depende ba eskola nia kritéira.

"Ha'u mós la dehan Ministéiru mós ladehan katak ho situsaun ne'ebé tenke pasa hotu, ne'e depende ba eskola ida-idak”, afirma nia.

Koordenadór Eskola Ensiñu Baziku Filiál (EBF) Kaibada-Makasa'e, Domingos Freitas hatete, tinan 2021 ne'e labele kompara ho tinan hirak ba kotuk, tanba iha tinan hirak liu ba fó pasa ba estudante sira haree husi estudante nia kualidade, maibé iha tinan ne'e, iha razaun atu fó pasa sem pursentu ba estudante sira.

"Pasiénsia ita dehan fó pasajen Covid, ne'e tenke pasa hotu tanba ema iha razaun se ita mak la halo hanesan ne'e ema protestu barak ona", dehan nia.

Estudante ne'ebé mak iha eskola EBF Kaibada Makasa'e hamutuk na'in-183 husi primeiru to'o sestu anu, pasa sem pursentu.

Entertantu inan estudante husi EBF Kaibada-Makasa'e, Lizia Josefa da Costa, sente triste ho pasajen klase ne'e, tanba estudante laiha kualidade mak pasa de'it, tanba ne'e husu Govérnu fó hanoin ba asuntu ne'e

"Keta sira pasa-pasa de'it hanesan SD klase-6 ba SMP keta halo sira lahatene mak barak”, hatete nia. (*)

Rate this item
(0 votes)
Last modified on Thursday, 09 December 2021 17:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter