Arcebispo Arkidioseze Metropolitano Dili, Dom Virgílio do Carmo da Silva hatete, maske tinan 2021, uma kreda diozese Baukau lakon amu Bispo Dom Basílio do Nasimento no padre Francisco Pinheiro, maibé haksolok nafatin, tanba tinan ida ne'e Maromak mós fó fali tán amu lulik foun na'in-3.

"Festa ohin nian, konvida família sira inan aman atu komprende aprende husi João José tuir nia felisidade banati tuir espiritu", dehan Arcebispo Arkidioseze Metropolitano Dili, Dom Virgílio do Carmo da Silva iha katedral vila antiga Baukau, tersa (30/11).

Mensajem ne'e, la'os atu dezafia de'it familia sira liu-liu Diákonu na'in-3, maibé sira nia saran a'an ba Maromak liuhusi saserdotál, tanba Maromak haraik kbi'it ba nia atan sira dignidade prezeteiru nian lori Diákonu ba moris foun nian haketak husi buat hotu sai ida de'it ho kristu.

Misaun Amu-Lulik nian la’os de'it titulu, tanba muda husi referendu diakonu ba padre, la'os mós hanesan sai funsionáriu Maromak nian, basa ne'e, transformasaun real sai instrumentu moris Maromak nian.

"Ordenasaun ne'e halo buat ida ita labele haketak, tau iha ita bo'ot sira nia neon hanesan amu-lulik eskoilidu", katak Arcebispo

Tanba, evanjellu tane a'as João José Maria nia kaben ne'ebé hatudu duni nia fiar klean no espiritu ne'ebé nobre bele simu hola parte iha Maromak nia salvasaun hodi sai aman di'ak ba Jesus hamutuk ho nia kaben Maria.

Maria ho José mós sai inan aman ne'ebé hatene eduka hodi lori kosok oan Jesus Kristu bainhira sei adolesente lori ba kreda, tanba João José sai modelu ida ba ema hotu buka komprende Maromak nia vontade.

"Fiar la'os nia observa didiak ukun fuan ne'ebé hakerek ona, maibé livru sabedoria dehan, ita nia haree ema ida ne'ebé nakonu ho espiritu intelejente", Arcebispo hateten

Tanba ne'e, hanesan fidelidade ba ema hotu atu hametin fiar bainhira mundu hahú maromak fihir ona atu hili ema ne'ebé tuir nia hakarak.

Nune'e, reprezentante ordenasaun saserdotal Padre Claudino Mendonça Maia agradese ba santisima trindade ne'ebé lori liuhusi dalan naruk ho istoria vokasaun lahanesan, tanba ne'e saserdotál rekuiñese ho fuan nakonu ho sentidu gratidaun.

"Agradese ba na'in feto virgem maria modelu ba moris konsagran nian no João José modelu simplesidade obedensia ba Maromak liuhusi nia oferese a'an tomak ba Maromak", nia hatete

Entertantu, Diákonu Claudino Mendonça Maia husi Postu Administrativu Maubessi, Munisípiu Ainaro, Diákonu Felismino Soares Guteres husi Munisípiu Vikeke, no Diákonu João Paulo husi Munisípiu Manatutu. (*)