Print this page

Lia-na’in Eukubiti Triste Daitula Lakon iha Odamatan Ukun-an

By November 28, 2021 2495
Lia-na'in sira husi Eukubiti tuir hela iha Komandante David Alex 'Daitula' nia lakon fatin, Baukau.  Lia-na'in sira husi Eukubiti tuir hela iha Komandante David Alex 'Daitula' nia lakon fatin, Baukau.  Foto Tempo Timor

Tempotimor (Baukau)-Lia-na’in husi uma lisan-4 mane-4 Eukubuti triste Komandante Falintil David Alex ‘Daitula’ ne’ebé lakon iha Baukau, loron 27 fulan-juñu tinan-1997, besik ona odamatan ukun-an.

Tanba ne’e, Reprezentante família Bualale, husi Postu Administrativu Kelikai, Munisípiu Baukau ne’e, hamulak ona iha fatin lakon Komadante Daitula iha Lie Gali Gau.

Lia-na’in, Cirilio dos Reis da Costa hatete, atividade hamulak ne'e, tanba komadante Daitula hanesan sumbriña importante ba nasaun Timor-Leste hahú halo funu husi ai-laran tama to'o vila, maibé lakon derepente iha odamatan ukun-an nian.

"Ami tunu manu ne'e haruka tuir, keta halo iha ema ruma mak rai ódiu hatudu matan no liman karik husu husi manu nia aten nomós aman maromak", dehan lia-na’in Cirilio, iha reflesaun fatin Daitula lakon, Gali Gau, sábadu (27/11).

Lia-na’in ne’e, sente triste tanba lakon komandante funu na'in di'ak ida ne'ebé mak ka'er kilat hamrik metin hodi defende povu no rai doben Timor-Leste, maibé lakon derepente de'it iha povu nia klaran.

"Funu atu hotu, derepente lakon fali ne'e mak ami-nia fuan moras, hamulak ami kontinua hamulak, tanba funu na’in", afirma nia.

Iha mós objetivu seluk husi hamulak ne'e, entrega tomak ba natureza Timor nian hodi hateke no haree tuir, husi nia feen, nia oan, to'o jerasaun hitu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items