Diretóra CTID, Maria Filomena da Costa Freitas hatete, formasaun refere hala’o durante tinan-ida, fulan-8 aprende teória no pratika fulan-3.
"Graduasaun ne'e, ba dala-20 totál graduadu hamutuk 82, ema na’in-27 iha programa ospitálidade, 55 iha maisar de kampaña iha departementu tolu, iha kustura, kuliñaria no administrasaun", dehan Maria, kinta (25/11).
Espera matenek ne'ebé durante graduadu sira aprende iha CTID Baukau, prontu ona atu servi iha kampu industria no bele aplika fali iha fatin sira be’ebé karik presiza.
CTID rasik mós iha programa ida follow-up ba nia formandu sira ne'ebé seida'uk hetan servisu atu apoiu mós ho fundus balun hodi formandu sira loke rasik nia negósiu.
Nunee, Presidente Autoridade Munisípiu Baukau, Olivio Freitas sente haksolok ho kontribui CTID, tanba bele kapasita ona foinsa'e sira sai ema ne'ebé kualidade no bele responsabiliza aan rasik ba future.
Tanba ne'e, kontinua enkoraja graduadu sira husi sentru formasaun CTID kanosiana Baukau, atu hatudu kualidade bainhira hetan servisu iha fatin ruma.
"Ida ne'e atu hateten katak, ita boot sira prefeitu ona, bele halo buat ruma iha komunidade, tein mós di'ak, suku mós di'ak komputador administrasaun mós di'ak, parsialmente bele responde nesesidade emediata", katak PAM
Reprezentante graduante ba dala-20, Lelina da Silva Marques sente kontente bainhira tuir treinamentu iha CTID to'o remata, tanba formadór sira ne'ebé iha kualidade di'ak oferese tempu hodi hanorin no muda formandu nia hanoin to'o hatene materia barak.
"Prontu ona atu kompete iha kampu servisu, tanba iha ona oituan oinsa atu ba kompete", hatete Lelina. (*)