KM Aprova Deretu-lei Rejime Jurídku ba Padraun Nasionál Ensinu Superiór 

Reuniaun Konsellu Ministru sira iha Palásiu Governu momentu balun liuba. Reuniaun Konsellu Ministru sira iha Palásiu Governu momentu balun liuba. Foto Suplay

Tempotimor (Dili)-Konsellu Ministru liuhusi reuniaun iha loron 24 fulan-novembru tinan 2021, deside hodi aprova projetu Dekretu-lei estabelesimentu rejime jurídiku ba padraun nasionàl Ensinu Superiór.

“Aprova projetu Dekretu-Lei, ne’ebé aprezenta husi Ministru Ensinu Superiór, Siénsia no Kultura, Longuinhos dos Santos, atu estabelese rejime jurídiku kona-ba kurríkulu padraun nasionál ensinu superiór nian no regulamenta sistema bináriu, rejime jurídiku ba grau no diploma sira ensinu superiór nian, kondisaun ba ninia atribuisaun, sistema kréditu, kalendáriu letivu, sistema avaliasaun ba unidade kurrikulár no konkluzaun ba programa estudu sira”, informa Ministru Prezidénsia Konsellu Ministru, Fidelis Leite Magalhães, iha Palásiu Governu, kuarta (24/11).

Dekretu-Lei ne’eaprova atu, regulamenta no dezenvolve diploma no grau sira ne’ebé sistema ensinu bináriu bele oferese ba estudante sira ensinu superiór nian no garante sistema transferibilidade ida entre sira ne’e rasik.

Nune’e mós Garante koñesimentu no kompeténsia mínimu ne’ebé presiza hodi hala’o profisaun determinada ida, Define sistema avaliasauan ida ba ensinu superiór.

Iha ne’e mós halo estudante sira sai emprendedór no kompetitivu liu iha merkadu traballu atuál nasionál no internasionál, garante koñesimentu no kompeténsia sékulu 21 nian ba sira.

Dekretu refere atu, permite atu alunu no dosente sira ensinu superiór nian bele uzufrui kuadru mobilidade nasionál no internasionál nian ida iha sira nia planu estudu, nune’e mós iha sira nia kompeténsia rekoñesida iha merkadu traballu internasionál.

Husi ne’e mós fasilita prosesu rekoñesimentu ba diploma ne’ebé alunu sira hetan iha estabelesimentu ensinu superiór nasionál iha nível internasionál nune’e mós permite rekoñesimentu ba diploma sira ne’ebé hetan iha estranjeiru iha nivel nasionál. (*)

Rate this item
(0 votes)
Last modified on Thursday, 25 November 2021 13:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter