Print this page

Fundasaun Patria Eleva Feto Poténsial ba Lideransa Transformativa

By November 20, 2021 710
Formandu sira foto hamutuk hafoin formasaun loron tolu iha salaun Postu Administrativu Baukua vila, sabadu (20/11). Formandu sira foto hamutuk hafoin formasaun loron tolu iha salaun Postu Administrativu Baukua vila, sabadu (20/11). Foto Tomas Freitas

Tempotimor (Baukau) - Sekrétariu Estadu Igualidade no Inkluzaun (SEII) liuhusi Fundasaun Patria kontinua eleva kapasidade feto poténsial hamutuk na'in-50 iha Munisípiu Baukau.

Xefe programa fundasaun patria, Octaviana Helena Martins Costa hatete, formasaun ne'e atu eleva kapasidade no abilidade feto poténsial sira iha Munisípiu Baukau atu partisipa mós iha faze dezenvolvimentu.

"Ami iha ne'e fahe formasaun pakote lideransa transformativa nian ba partisipante sira hamutuk na'in-50 durante loron tolu ba iha postu Baukau vila", dehan nia iha salaun Postu Administrativu Baukua vila, sabadu (20/11).

Nune'e, formasaun ne'e, partisipa husi membru partidu sira no lideransa suku, delegada no funsionáriu balun iha Munisípiu Baukau atu kuiñese programa pakote liderasa transformativa oinsa prepara ba eleisaun halo mudansa ba abilidade.

"Ami mós halo formasaun iha Baukau bei-beik tiha ona, maibé agora ba prosesu prepara ona ba eleisaun, tanba ne'e ami mai fali hakbi'it sira antes ba eleisaun", nia hateten

Nune'e, responsabilidade  ba Asosiasaun Feto Poténsial Munisípiu Baukau, Regina de Sousa hatete, maske formasaun mateira nafatin ko'alia kona-ba lideransa transformativa, maibé bele hasa'e kuiñesementu oinsa bele kompete ho mane maluk.

"Kona-ba lideransa transformativu, tipu lideransa ne'e, ita haree ba tempu, tanba ita ema nia maneira lahanesan, maske bele aprende materia lideransa barak, maibé nafatin haburas para lideransa ne'ebé susesu", katak nia

Nia afirma, lideransa transformativu hanesan issu ida ne'ebé sai preukupasaun ba komunidade sira iha Suku ida, oinsa bele foti solusaun ba issu. (*)

Rate this item
(0 votes)
Last modified on Saturday, 20 November 2021 17:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items