Login to your account

Username *
Password *
Remember Me

Covid-19 Impede Aula Prezensiál, Eskola Vila Nova Prontu Hala’o Ezame

Adjuntu Diretór Eskola Ensinu Sekundáriu Jerál Númeru 02 Vila Nova Baukau, Titos Almeida. Adjuntu Diretór Eskola Ensinu Sekundáriu Jerál Númeru 02 Vila Nova Baukau, Titos Almeida. Foto Tomas Freitas

Tempotimor (Baukau) - Eskola Ensinu Sekundáriu Jerál Númeru 02 Vila Nova Baukau, preparadu ona atu fó ezame ba estudante sira, maske durante situasaun covid-19 impede aula prezensiál.

"Prepara hotu ona pontus de ezame, meza kadeira ohin ita forma tiha ona ikus ohin ita fahe orariu ne'ebé hahú ezame ba pasajen klase desimu no desimu ba desimu primeiru, aban ita realiza to'o kuarta semana oin," informa Adjuntu Diretór Eskola Ensinu Sekundáriu Jerál Númeru 02 Vila Nova Baukau, Titos Almeida, kuarta (17/11).

Tanba ne’e, materia ezame ba estudante sira ne’ebé atu deside pasajen klase nian preparadu ona, nune'e ezame refere sei realiza iha loron 18 to’o 24 fulan-novembru tinan 2021.

Maibé, eskola rasik mós nafatin fó toleránsia pontu ezame ba estudante sira, tanba impaktu husi suspensaun aula prezensial iha Munisípiu Baukau.

"Ita iha toleránsia maske situasaun covid-19, iha loron bai-bain de'it ita tolera, satan iha covid nia laran,"nia afirma

Nune'e, estudante desimu ano, Júvita Belo informa, maske durante ne’e laiha aula prezensiál masimu, maibé nu’udar estudante prontu ona atu tuir ezame ne'ebé mak sei realiza iha loron 18 to'o 24 fulan-novembru tinan 2021.

"Tempu serka sanitaria nia laran mós ami hetan materia husi mestre sira dala-ida, dala-ida de'it, maibé ha'u fiar sei pasa iha ezame pasajen klase ne'e", nia garante

Enkuantu, estudante ne'ebé atu tuir ezame hamutuk ema na’in-651 ne’ebé kompostu husi desimu primeiru anu 382 no desimu anu na'in-269. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter