Login to your account

Username *
Password *
Remember Me

Sarani Baukau Selebra Dom Basílio Nia Ai-funan Moruk

Padre Administradór provisóriu ba Apostóliku Dioseze Baukau, Alípio Pinto Gusmão tau hela ai-funan ba Dom Basílio nia rate, sabadu (13/11). Padre Administradór provisóriu ba Apostóliku Dioseze Baukau, Alípio Pinto Gusmão tau hela ai-funan ba Dom Basílio nia rate, sabadu (13/11). Foto Tomas Freitas

Tempotimor (Baukau) - Sarani sira iha parókia Santu António Vila Antiga no Vila Nova Baukau selebra misa ba matebian Dom Basílio nia ai-funan moruk.

"Ohin ne'e selebra hanoin Dom Basílio nia mate ba loron 7 tuir lolós loron 14 ona, maibé iha preukupasaun servisu barak la selebra ida loron 7 ne'ebé ohin mak Dom Basílio nia mate selebra eukaristia no kari ai-funan moruk ba Dom Basílio nia rate," dehan Padre Administradór provisóriu ba Apostóliku Dioseze Baukau, Alípio Pinto Gusmão ba www.tempotimor.com bainhira remata selebra misa eukaristia iha katedral vila antiga Baukau, sabadu (13/11).

Selebrasaun ne’e, padre no sarani sira husi parókia seluk marka prezensa no balun la partisipa, tanba kondisaun distánsia ne'ebé do'ok, maibé sira mós selebra iha ida-idak nia parókia.

Nune'e, António da Silva nu’udar sarani katólika hatete, maske nia parte la hetan konvite ruma husi parókia, maibé iha sentimentu umanu no la haluha dedikasaun Dom Basílio nian ba sarani tomak Baukau durante tinan 25, entaun nia mai partisipa.

"Ita triste, lakon ema ne'ebé di'ak durante hamutuk ho ita tinan 25 nia laran, la presiza iha konvite, hanoin hanesan sarani, ha’u mai partisipa", dehan António

Hafoin selebrasaun misa, sarani sira husi parókia vila nova no vila antiga hamutuk ho autóridade sivíl no seguránsa karii ai-funan moruk ba Dom Basílio nia rate.

Amu Bispo Dom Basílio do Nasimento hakotu i'is iha loron 30 fulan-outubru tinan 2021 iha Ospitál Nasionál Guidu Valadares (HNGV). (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter