Login to your account

Username *
Password *
Remember Me

Veteranu Domin Hakotu Iis Tanba Moras Komplikadu

Tanente Koronel Domingos da Costa dos Santos “Domi”. Tanente Koronel Domingos da Costa dos Santos “Domi”. Foto Suplay

Tempotimor (Dili)-Xefe Gabinete Forsa 2020 Falintil-Forsa Defeza Timor-Leste (F-FDTL), Capitão Mar de Gerra, Higinio das Neves afirma, Tanente Koronel Domingos da Costa dos Santos “Domin”, hakotu iis tanba sofre moras komplikadu.

“Nia uluk halo tratamentu iha Portugál, tanba moras  fuan, tensaun, no iis boot, entaun foin dadaun, ita infreta hela situsaun Covid-19 ne'ebé nia ladun fó atensaun ba moras hirak ne'e entaun moras ne'e komesa fali to’o ohin nia hakotu iis, iha ICU HNGV”, dehan Kapitão Mar de Gerra Higinio  das Neves, iha HNGV, sábadu (13/11).

Matebian Koronel Domingos da Costa dos Santos “ Domi” hahú halo tratamentu ba nia moras durante fulan ida semana rua.

“Matebian enfreta moras kuaze fulan ida semana rua, fofoun moras nia iis la normál, entaun ami-nian médiku militar nian,  Kapitaun Mendes akompaña nia mai iha HNGV hodi teste Swab no nia pozitivu  covid-19, entaun doutor sira lori ba izolamentu Lahane”, informa nia.

Bainhira to’o Lahanene matebian kondisaun di’ak, depois semana ida ho balun matebian nia kondisun gravé liután, no Doutór sira troka malu fó tratamentu, maibé situsaun aumenta gravé no doutor sira tau Ventiladór.

Antes ne'e doutór sira tau ventiladór ba matebian, nia sei ko'alia ho Vise Xefe Estadu Maior Jenerál Falur Rate Laek hodi relata nia kondisaun, maibé nia respode katak buat hotu entrega ba Maromak. 

“Entaun família no ha’u rasik semana rua liuba deside transfere nia husi izolamentu Lahene mai iha ICU HNGV to’o ohin nia hakotu iis”, dehan nia.

Kapitaun Mar de Gerra Higinio  das Neves, sente triste tanba lakon nia belun di’ak ida ne’ebé durante ne’e hamutuk nafatin.

“Triste boot tanba ha’u lakon ema ne’ebé loroloron la’o ho ha’u iha tempu ida ne’ebé difísil ami nunka husik malu. Maibé tanba de’it Corona ha’u labele kaer nia liman ha’u só haree de’it husi dook”, espresa nia.

Tanente Koronel Domingos da Costa dos Santos “ Domin”, moris iha Lospalos-Lautein (1/1/1965), tama iha institusaun F-FDTL iha 2001.

Matebian hakotu iis iha sábadu ohin iha oras 10:23 dader hafoin halo tratamentu intensive iha ICU HNGV Dili.

Durante karreira Militar Matebian mós assume kargu nu'udar Adidu Militár iha Portugál no dadaun ne’e, halo kna’ar iha Kaurtel Komandu F-FDTL Fatuhada-Dili.

Matebian nia isin mate hatoba ona iha uma Matebian Luru Mata hodi hein seremónia funebre tuir mai. (*)

Rate this item
(0 votes)
Last modified on Sunday, 14 November 2021 11:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter