Print this page

KI Husu Jornalista Tau Max Stahl Hanesan Pontu Importante 

By November 13, 2021 651
Partisipante na’in-168 partisipa hela kongressu estraordináriu TLPU  iha salaun Delta Nova, sábadu (13/11). Partisipante na’in-168 partisipa hela kongressu estraordináriu TLPU iha salaun Delta Nova, sábadu (13/11). Foto Tempo Timor

Tempotimor (Dili)-Prezidente Konsellu Imprensa (KI), Vergílo Guterres, husu ba jornalista sira ne’ebé hamahon-an iha organizasaun Timor Leste Press Union (TLPU), presiza tau Saudozu Max Stahl hanesan pontu importante ida ba kongressu extraordináriu TLPU nian.

"Kongressu estraordináriu halo iha pereidu ne’ebé ita tomak sente lakon ema importante ida iha rai ida ne'e, mak Max Stahl. Ne’ebé karik iha diskusaun ne'e iha diferénsia ruma, ha’u enkoraja atu kolega sira tau Max Stahl, pontu atu mepersatukan ita-nia idea sira ne'e”, hatete nia hafoin abertura ba kongressu estraordináriu TLPU iha salaun Delta Nova, sábadu (12/11).

Parte KI hakarak enkoraja tanba dahuluk Max Stahl ne'e ema ida ne’ebé estraordináriu, no ida ne'e tenke sai pontu referénsia atubele diskute iha kongressu ida ne'e.

"Se maluk husi rai seluk bele hadomi ita-nia rai, bele hadomi ita-nia povu hanesan ne'e, ita tenke hadomi nia hanesan ne'e, e hadomi liuhusi saida, liuhusi serbisu responsabilidade, no responsabilidade so bele mosu bainhira ita hatene fahe hanoin ba malu”, esplika nia.

Dadauk partisipante sira hamutuk atusida-neennulu-resin-ualu (168), mak hola ona prezensa iha kongressu estraordináriu TLPU nian  iha salaun Delta Nova.

Purtantu tema husi kongresu estraordináriu TLPU ne'e mak oinsá atu hamatin estrutura hodi haree futuru Timor Leste Press Union. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items