Login to your account

Username *
Password *
Remember Me

Loron 12 Novembru Motiva Joventude Manán Nafatin Esperitu Responsabilidade

Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur. Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur. Foto Suplay

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur hatete, selebrasaun loron 12 Novembru ne'e motiva tebes joventude atubele manán nafatin Esperitu responsabilidade perante ba nasaun. 

"Ida ne'e Komemorasaun 12 de Novembru la'ós primeiravez mais ho ida ne'e ita bele dehan katak dalabarak ona,1991 mai to’o iha 2021 ita halo ba 30 anos,Ha'u hanoin serimónia ohin ne'e la'o di'ak tebetebes, motiva tebes ba ita-nia joventude sira atubele manán nafatin Esperitu responsabilidade perante ita nia nasaun”, dehan Lere hafoin partisipa iha serimónia, iha Santa Cruz, sesta (12/11).

Maibé mós kestaun no problema pesoál haree joven sira balun hanoin barak, tanba servisu laiha no osan laiha.

"Ha'u haree joven balun que stres (hanoin barak) stres ne'e tanba saida, servisu laiha, osan laiha, injustisa, sira ne'ebé uluk la terus, lakohi ukun-an, sira ne'e dalaruma oho fali sira-nia inan aman, mak ohin loron moris di'ak, kuitadu ohin loron sira balun ne'e haree de'it, hanesan ohin iha panfletu ne'ebá hakerek, ami sai fali atan ba RDTL no ida ne'e los duni”, afirma Lere.

Tanba ne'e hanoin Governu ne'ebé que mai ukun, tenke tau matan ba ema sira ne'ebé uluk hakarak fó nia-an ba nasaun ne'e hodi liberta.

Bele dehan 12 de Novembru ne'e, hatudu ona prosesu ne'ebé naruk tebetebes, hahú 1975 to’o mai 1991 to’o ba 1999, prosesu ne'ebé que naruk.

"Ita konta istória ha'u hanoin katak, istória ida ne'ebé que lori tempu, atu hakotu istória ne'e, maibé realidade mak ne'e, ohin loron, sei iha injustisa, iha Institutuisaun F-FDTL ha'u hakarak atu justisa iha ha'u-nia Estadu nia laran, se mak merese se mak la merese, ida ne'e mak agora ha'u tenke halo dadaun ne'e, para motiva ita-nia joven sira, para ukun-an ne'e opsaun ida, opsaun ida ita tenke responsabiliza ida-ida nia opsaun”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter