Login to your account

Username *
Password *
Remember Me

Juventude Presiza Halo Reflesaun Hamutuk Haree ba Oin

Sekretáriu Konsellu Vetéranus Munisípiu Baukau, Manuel da Costa Soares  ko'alia hela ba media sira iha kna'ar fatin vila antiga, sesta (12/11). Sekretáriu Konsellu Vetéranus Munisípiu Baukau, Manuel da Costa Soares ko'alia hela ba media sira iha kna'ar fatin vila antiga, sesta (12/11). Foto Tempo Timor

Tempotimor (Baukau) ‐ Sekretáriu Konsellu Vetéranus Munisípiu Baukau, Manuel da Costa Soares hatete, selebrasaun loron masakre santa kruz ba dala XXX (30), juventude presiza halo reflesaun hamutuk hodi haree ba oin.

Tanba, asaun 12 novembru ne'ebé akontese iha tinan 30 liu ba, laiha ema ida mak hasai konvite atu halo manisfestasaun, maibé derepende de'it mosu iha fatin-fatin ho hanoin ida de'it halo asaun ho sumbriña ida.

"Agora mós ha'u hanoin voluntáriamente joven sira lideransa sira voluntáriu hanesan refleta buat espontaniamente sira tenke halai hamutuk, simu no perdua malu katak di'ak liu hamutuk hanoin haree ba oin", dehan Manuel ba média sira iha kna'ar fatin vila antiga, sesta (12/11).

Nia dehan, juventude uluk ho unidade konsege halo asaun, maske moris iha persegisaun nia laran, maibé fó rezultadu di'ak ba libertasaun da pátria.

Nia hatutan, bainhira atu hamutuk hanesan joven sira uluk iha resisténsia nian, presiza mós hanoin mai husi ema ida-ida nia fuan laran, nune'e bele hari'i buat di'ak ba nasaun.

Nune’e, husu ba juventude agora, koko hado'ok a'an husi ema seluk nia interese ne'ebé mak uza joven hanesan ponte ida alkansa sira nia objetivu, maibé joven agora tenke kompete iha prosesu estudu.

Iha fatin seluk, Admistradór postu Baukau Villa Munisípiu Baukau, Francisco Ximenes afirma, juventude uluk husi loromunu to'o lorosa'e, tasi feto to'o tasi mane fuan ho laran ida de'it, hakarak lori nasaun ba ukun rasik a'an.

"Masakre santa kruz mak hamosu istória boot ida nakloke ba ema hotu nia matan, liu-liu iha mundu internasionál, timor sei iha kbi'it", nia dehan

Tanba, uluk antes masakre 12 novembru ema as'wain Timor oan ne'ebé defende rai timor atu sai ukun-aan okupasaun sira oho lakon hotu, hakarak ga lakohi Timor-Leste ba integrasaun, maibé derepente hamosu masakre 12 novembru halo ema barak husi mundu Internasionál hakfodak to'o Timor-Teste hetan nia independensia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter