Login to your account

Username *
Password *
Remember Me

SMEJD Baukau Halo Enkontru Preparasaun ba Ezame Nasionál no Lokál

Diretór Servisu Ministéiru Edukasaun Juventude no Desportu (SMEJD) Munisípiu Baukau, Augusto Ornai Ximenes. Diretór Servisu Ministéiru Edukasaun Juventude no Desportu (SMEJD) Munisípiu Baukau, Augusto Ornai Ximenes. Foto Tempo Timor

Tempotimor (Baukau)-Servisu Ministéiru  Edukasaun Juventude no Desportu (SMEJD) Munisípiu Baukau, hahú realiza enkontru tékniku ho diritiva eskola sira hodi halo preparasaun ba ezame nasionál no lokál ne'ebé sei realiza iha fulan-desembru tinan 2021.

Diretór Servisu Ministéiru Edukasaun Juventude no Desportu (SMEJD) Munisípiu Baukau, Augusto Ornai Ximenes informa, kalendáriu ba estudante treseiru ano ne'ebé mak atu tuir ezame nasionál nó lokal fiksu ona, tanba ne'e liuhusi enkontru ko’alia kona-ba preukupasaun ezame nian, prensementu kaderneta, no  pasajen klase estudante nian.

"Kalendáriu fiksu ona, ezame nasionál ita sei hala'o iha loron 13, 14 to'o 15 dezembru, kontinua kedas ho ezame lokál loron 16,17, 18 de dezembru ne'e”, dehan Augusto iha salaun enkontru edukasaun Baukau, kinta (11/11).

Tanba ne'e aselera prosesu preparasaun ba ezame nian, ne’ebé sei aumenta sala ba estudante mak tuir ezame nasionál.

Ba ezame nasionál no lokál ne'e mós, Ministéiru Edukasaun Juventude no Desportu foti ona desizaun ba Munisípiu sira ne'ebé mak antes ne'e suspende prosesu aprendizajen iha tempu Serka Sanitária nia laran, nune'e pontu elaborasaun kontinua tuir kurikulu ne'ebé mak iha, maibé iha nia grau difikuldade mak presiza MEJD haree.

"Munisípiu 5 ne'e sira deside modelu ida bolu B, tanba sira ne'e sofre suspensaun ba prosesu aprendizajen tanba estadu emerjénsia komfinamentu obrigatóriu”, informa nia.

Maibé ba Munisípiu 8 seluk ne'ebé mak Governu la implementa Serka Sanitária no konfinamentu obrigatóriu prosesu aprendizajen la'o normál, nune'e sira-nia pontu ezame sei la hanesan ho Munisípiu 5 ne'ebé mak Governu implementa.

Dadaun ne'e mós parte edukasaun Baukau kontinua prepara matrize pontu ezame nian, nomós rezumu ne'ebé mak MEJD halo no profesór sira halo mós kontinua fahe ba estudante sira, inklui mós eskola lubuk ida mak kontinua halo aula adisionál nune'e estudante sira iha preparasaun hasoru ezame nasionál no lokál ne'ebé mak realiza iha fulan-dezembru ne'e.

Sentru ezame nasionál ba eskola ensinu báziku iha Munisípiu Baukau hamutuk 29, ensiñu sekundária hamutuk 15, ensiñu tékniku vokasionál iha 4.

Entertantu totál estudante iha Munisípiu Baukau ne'ebé atu tuir ezamemnasionál ne'ebé tuir verifikasaun ikus husi eskola nível ensiñu baáziku hamutuk na’in-3328, ensiñu sekundária hamutuk na’in-2093 no eskola tekníku vokasionál totál estudante hamutuk na’in-286, siensia teknologia hamutuk na’in  138 no siénsia Sosiál umanidade hamutuk na’in-955. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter