Tanba ne’e, Mate Restu 12 Novembru, Sergio Filomeno Marques, husu ba Juventude sira tenke hatene istoria kona-ba Timor-Leste nia ukun rasik-an.

"Ema Austrália sira no ema husi nasaun seluk hatene liu fali ita-nia istória, hanesan ohin ha'u husu ba imi, imi la hatene, imi Juventude jerasaun foun sira tenke hatene ida istória ukun rasik-an ita tenke hatene ida ne'e”, dehan Sergio Filomeno Marques ba juventude sira iha Kapela Bidau Santana, kuarta (10/11).

Maibé agradese nafatin ba matebian Max Stahl tanba nia bele halo gravasaun vídeo hodi lori sai sofrimentu Timor nian ne'ebé mak invazór halo hasoru Timoroan sira iha tempu okupasaun Indonézia nian.

Nune'e mós agradese ba Prezidente BJ. Habibie ne'ebé mak fó ona obsaun liuhusi dalan rua hanesan H Otonomia no Ukun rasik-an.

Iha votasaun Timoroan barak mak hili ukun rasik-an no rezultadu vota pursentu 78 mak hili ukun rasik-an.

Nune'e Xefe Klibur Juventude Foin Sa'e (KJFS),  Alexandrino Menezes  husu ba juvens sira atu kontribui dezenvolvimentu labele mete iha problema sira.

"Tempu to'o ona ita joven sira tenke buka paz no dame, tanba dezenvolvimentu ne'e presiza ita joven sira-nia konstribuisaun mós”, dehan nia. (*)